ठाणे शहरात ३६ लसीकरण केंद्रे कार्यान्वित

ठाणे : केंद्र व राज्य शासनाच्या मार्गदर्शक सूचनांनुसार ६० वर्षे पूर्ण केलेले वयोवृद्ध नागरिक, फ्रंटलाईन वर्कर्स, विविध व्याधीग्रस्त नागरिक यांचे वेळेत लसीकरण पूर्ण व्हावे यासाठी महापालिकेच्यावतीने शहरात ३६ लसीकरण केंद्रे कार्यान्वित करण्यात आली असून, चार खासगी रुग्णालयांतही लसीकरण सुरू करण्यात आले आहे. दरम्यान, जागतिक महिला दिनाचे औचित्य साधून शहरात साेमवारी पाच लसीकरण केंद्रांवर महिलांसाठी विशेष सुविधा पुरविण्यात आली होती.

महापालिकेच्या आरोग्य केंद्रांसोबत खासगी हॉस्पिटलचादेखील लसीकरण मोहिमेत समावेश केला आहे. यामध्ये महापालिकेच्यावतीने शहरात ३६ लसीकरण केंद्रे कार्यान्वित करण्यात आली आहेत. या सर्व ठिकाणी लाभार्थ्यांना वेळेत लस मिळावी, त्यांची गैरसोय होऊ नये यासाठी चार खासगी हॉस्पिटलमध्येदेखील लसीकरण केंद्रे सुरू करण्यात आली आहेत. महापालिकेच्यावतीने ठाणे ग्लोबल इम्पॅक्ट हब, छत्रपती शिवाजी महाराज रुग्णालय, पोस्टकोविड सेंटर, मेंटल हॉस्पिटल, कौसा हॉस्पिटल, हाजुरी, सह्याद्री, आंबेडकर भवन, वाडिया, किसननगर, रोसा गार्डेनिया, कौसा आरोग्य केंद्र, कोपरी मॅटर्निटी, अतकोनेश्वर आरोग्य केंद्र, आयुर्वेदिक हेल्थ सेंटर, आझादनगर आरोग्य केंद्र, बाळकूम आरोग्य केंद्र, सी. आर. वाडिया आरोग्य केंद्र, गांधीनगर, कळवा, कौसा आरोग्य केंद्र, किसननगर, लक्ष्मी चिरागनगर आरोग्य केंद्र, लोकमान्य कोरेस आरोग्य केंद्र, माजिवडा आरोग्य केंद्र, मनोरमानगर, मानपाडा, नौपाडा, शीळ आरोग्य केंद्र, शिवाजीनगर आरोग्य केंद्र, उथळसर आरोग्य केंद्र, वर्तकनगर आरोग्य केंद्र, सावरकरनगर आरोग्य केंद्र, आनंदनगर आरोग्य केंद्र, आदी ठिकाणांचा समावेश आहे.

खासगी रुग्णालयांमध्ये सिद्धिविनायक रुग्णालय, वेदांत हॉस्पिटल, ज्युपिटर हॉस्पिटल, काळसेकर रुग्णालय, प्राइम होरायझन हॉस्पिटल, हायवे हॉस्पिटल, पिनॅकल ऑर्थोकेअर हॉस्पिटल, हाईलँड हॉस्पिटल, कौशल्य रुग्णालय, आदींचा समावेश आहे.

...............

महिलांसाठी विशेष सुविधा

आंतरराष्ट्रीय महिला दिनाचे औचित्य साधून ठाणे महानगरपालिकेच्या वतीने सोमवारी पाच लसीकरण केंद्रांवर महिलांसाठी विशेष सुविधा पुरविण्यात आली होती. यामध्ये सी. आर. वाडिया, किसननगर आरोग्य केंद्र, लोकमान्य आरोग्य केंद्र, कोरस, रोझा गार्डिनिया, कौसा आरोग्य केंद्र, आदींचा समावेश होता.