जिल्ह्यात ४५४ नवे रुग्ण

ठाणे : ठाणे जिल्ह्यात बुधवारी ४५४ नव्या कोरोना रुग्णांची भर पडली. त्यामुळे जिल्ह्यात आता ५ लाख २२ हजार ९७९ रुग्णांची नोंद झाली, तर दिवसभरात २१ रुग्णांचा मृत्यू झाला असून, जिल्ह्यातील मृतांची संख्या ९ हजार ५७० झाली आहे.

ठाणे शहर परिसरात १२० रुग्ण आढळल्याने येथील रुग्णसंख्या आता १ लाख ३१ हजार ३०० झाली आहे. शहरात ५ मृत्यूची नोंद झाली असून, मृतांची संख्या १ हजार ९२९ झाली आहे, तर कल्याण- डोंबिवलीत ११६ रुग्णांची वाढ झाली असून, ५ जणांच्या मृत्यूची नोंद झाली आहे. नवी मुंबईत ५८ रुग्णांची वाढ झाली असून, ३ जणांच्या मृत्यूची नोंद झाली आहे. उल्हासनगरमध्ये ५ रुग्ण सापडले असून, मृत्यूची नोंद नाही. भिवंडीत ५ बाधित असून, २ मृत्यूची नोंद झाली आहे. मीरा- भाईंदरमध्ये ७३ रुग्ण आढळले असून, २ जणांच्या मृत्यूची नोंद आहे. अंबरनाथमध्ये ११ रुग्ण आढळले असून, बदलापूरमध्ये १३ रुग्णांची नोंद झाली आहे. ठाणे ग्रामीणमध्ये ५३ नवे रुग्ण वाढले आहेत, तर ४ जणांच्या मृत्यूची नोंद आहे. आता बाधित रुग्णसंख्या ३७ हजार ६८५ झाली असून, आतापर्यंत ९२६ मृत्यूंची नोंद झाली आहे.