भिवंडीत सराईत चोरट्यांच्या चौकडीला अटक; क्लिनरला लोखंडी सळई ने मारहाण

याबाबत ट्रक चालक क्लिनर यांनी कोनगाव पोलीस ठाण्यात अज्ञात चोरां विरोधात गुन्हा दाखल केला होता.

भिवंडी: भिवंडी ठाणे बायपास रस्त्यावर सकाळच्या सुमारास ट्रक चालकावर हल्ला चढवत त्याला लुटणाऱ्या चार जणांच्या चौकडीस कोनगाव पोलिसांनी अवघ्या २४ तासात अटक करण्यात यश मिळवले असल्याची माहितीइ कोनगाव पोलोसांनी शनिवारी दिली आहे.

मुंबई नाशिक महामार्गावरील भिवंडी ठाणे बायपास रस्त्यावर २६ मार्च रोजी सकाळी सहा वाजता च्या सुमारास टायर चेक करण्यासाठी ट्रक चालक खाली उतरला असता चार चोरट्यांनी या संधीचा फायदा घेत ट्रक चालकासह क्लिनरला लोखंडी सळई ने मारहाण करून त्याच्याकडील ४६६० रुपये रोख रक्कम व आधार कार्ड, स्मार्ट कार्ड, अशा वस्तू जबरी चोरी करून पसार झाले होते.

याबाबत ट्रक चालक क्लिनर यांनी कोनगाव पोलीस ठाण्यात अज्ञात चोरां विरोधात गुन्हा दाखल केला होता. या गुन्ह्याचे गांभीर्य लक्षात घेऊन कोनगाव पोलिस ठाण्याचे वरिष्ठ पोलीस निरीक्षक निशीकांत विश्वकार यांच्या मार्गदर्शना खाली सहाय्यक पोलीस निरीक्षक वैभव चुंबळे व तपास पथकातील पोलिस कर्मचारी मधुकर घोडसरे,नरेन पाटील,रमाकांत साळुंखे,राहुल वाकसे,हेमंत खडसरे, हेमराज पाटील,अच्युत गायकवाड,कुशल जाधव यांनी गुप्त बातमीदाराच्या मदतीने प्रकरणातील आरोपी शिवा नायक,निखिल कोरसे,संतोष राठोड व रवी गौड या चार सराईत चोरट्यांना अवघ्या २४ तासात ताब्यात घेऊन त्यांच्याकडून गुन्ह्याची उकल करून जबरी चोरीतील सर्व मुद्देमाल हस्तगत करण्यात पोलिसांनी यश मिळविले आहे.सदर गुन्हयाचा अधिक तपास सहाय्यक पोलीस निरीक्षक वैभव चुंबळे हे करीत आहेत.