Ambernath: अंबरनाथमध्ये फातिमा शाळेजवळ अपघात, विद्यार्थ्यांना घेण्यासाठी आलेले दोन पालक जखमी

Accident In Ambernath: अंबरनाथ पश्चिम भागातील फातिमा शाळेजवळ शाळा सुटण्याच्या वेळेत एका भरधाव कारणे दोन वाहनांना उडवले आहे. या अपघातात आपल्या पाल्यांना घेण्यासाठी शाळेच्या प्रवेशद्वाराजवळ थांबलेल्या दोन महिला पालक गंभीर जखमी झाले आहेत.

- पंकज पाटील

अंबरनाथ - अंबरनाथ पश्चिम भागातील फातिमा शाळेजवळ शाळा सुटण्याच्या वेळेत एका भरधाव कारणे दोन वाहनांना उडवले आहे. या अपघातात आपल्या पाल्यांना घेण्यासाठी शाळेच्या प्रवेशद्वाराजवळ थांबलेल्या दोन महिला पालक गंभीर जखमी झाले आहेत. या घटनेनंतर कार चालकाला लागलीच रिक्षा चालकांनी पकडून पोलिसांच्या स्वाधीन दिले.

अंबरनाथच्या फातिमा शाळेजवळ आज दुपारी तीन वाजताच्या सुमारास एका भरधाव कारणे शाळेच्या प्रवेशद्वारा जवळच एका चार चाकी वाहनाला धडक दिली आणि त्यानंतर थेट एका दुचाकीला चिरडले. शाळा सुटायच्या पाच मिनिटे आधीच हा अपघात घडल्याने शाळेच्या प्रवेशद्वारा जवळ आपल्या पाल्यांची वाट बघणारे दोन महिला पालक जखमी झाले आहेत. त्यांना लागलीच इतर पालकांनी रुग्णालयात उपचारासाठी दाखल केले आहे. या घटनेत कारचा चालक पळून जाऊ नये यासाठी शाळेबाहेर थांबलेल्या रिक्षा चालकांनी त्या कारचालकाला पकडून ठेवले होते. या अपघाताची माहिती मिळतात पोलिसांनी घटनास्थळी जाऊन पंचनामा केला आहे. नेमकी हा अपघात घडला कसा हे अद्यापही स्पष्ट झालेले नाही.