हातोडा दाखवून तिच्या मित्रांना पळवलं; शिर्डीहून आलेल्या मुलीसोबत वेगळच घडलं, ठाणे हादरलं!

मुंबई, पुणे, अमरावती पाठोपाठ आता ठाण्यातील उल्हासनगरमध्ये देखील बलात्काराची घटना घडली आहे.

मुंबई/ठाणे: मुंबई, पुणे, अमरावती पाठोपाठ आता ठाण्यातील उल्हासनगरमध्ये देखील बलात्काराची घटना घडली आहे. उल्हासनगर रेल्वे स्टेशन परिसरात एका नराधमाने 14 वर्षीय अल्पवयीन मुलीवर बलात्कार केला. याप्रकरणी कल्याण रेल्वे पोलिसांनी आरोपी दादा उर्फ श्रीकांत गायकवाड याला अटक केली आहे.

उल्हासनगर स्थानकास लागून असलेल्या स्कायवॉकवर ही पीडित अल्पवयीन मुलगी उभी होती. ही मुलगी शिर्डीहून कल्याण येथे एका खासगी बसने आली होती. स्कायवॉकवर तिला तिचेदोन मित्र भेटले. त्यावेळी एक तरुण तिच्या जवळ आला. त्याच्या हातात हातोडा होता. या हातोड्याचा वापर करत त्याने तिच्या मित्रांना धमकावले. त्यानंतर ते मित्र पळून गेले. त्यानंतर त्या तरुणाने तिला जबरदस्ती एका निर्जन स्थळी नेले. त्या ठिकाणी त्याने मुलीला बेदम मारहाण केली. नंतर तिच्यावर बलात्कार केला. 

मनसुख हिरेनला मधल्या सीटवर बसवलं, त्यानंतर तोंड-नाक दाबलं; मृत्यू झाल्यानंतर पोटभरून खाल्लं https://t.co/wFYnxBp3xu

— Lokmat (@MiLOKMAT) September 12, 2021

बलात्कार केल्यानंतर आरोपी मुलीला घटनास्थळी तसेच सोडले आणि तो पळून गेला. काही वेळेनंतर पीडित मुलीने आपल्या मित्रांना फोन केला आणि आपल्यावर बलात्कार झाल्याची माहिती दिली. त्यानंतर मित्रांनी पोलीस स्थानकात धाव घेत सदर घटनेची माहिती पोलिसांना दिली. 

संबंधित घटनेची माहिती मिळताच कल्याण जीआरपीचे वरिष्ठ पोलीस निरिक्षक वाल्मीक शादरुल यांच्या मार्गदर्शनाखाली तपास सुरु झाला. पोलिसांनी या प्रकरणी नराधम आरोपी दादा उर्फ श्रीकांत गायकवाड याला अटक केली आहे. त्याने गुन्हा कबूल केला आहे. 

'फास्टेस्ट वूमन' करणार साकीनाका बलात्कार प्रकरणाचा तपास; ज्योत्सना रासम कोण आहेत?, जाणून घ्या! https://t.co/foj1afGarI#sakinakacase

— Lokmat (@MiLOKMAT) September 12, 2021