अनगाव सारांश

अनगाव : शहरातील वऱ्हाळदेवी तलावाच्या बाजूला धामणकरनाका रोड येथे छापा मारून पोलिसांनी तिघा जुगाऱ्यांवर कारवाई केली. हितेश गोसरानी (३८), श्रीकांत गाजूळ (३२), दीपेश सुमिज्या (३३) अशी जुगाऱ्यांची नावे आहेत. वऱ्हाळदेवी येथे जुगारअड्डा सुरू असल्याची माहिती नारपोली पोलिसांना मिळाली हाेती. त्यानुसार त्यांनी छापा मारून कारवाई केली. याप्रकरणी शुक्रवारी नारपोली पोलिसांत गुन्हा दाखल केला आहे.

मोटरसायकल चाेरीला

अनगाव : शहरात वाहनचोरीच्या घटना वाढत आसताना टावरे स्टेडियमच्या गेटजवळ उभी करून ठेवलेली संजय शिगारे(५०, रा. फेणेगाव) याची मोटरसायकल अनोळखी इसमाने चोरून नेल्याची घटना शुक्रवारी घडली आहे. याप्रकरणी भोईवाडा पोलिसांत गुन्हा दाखल केला आहे.

टेम्पोचालकावर गुन्हा दाखल

अनगाव : मानकोली येथील बाबा धाब्याजवळ स्थानकासमोर रस्त्यावर टेम्पो उभा करून वाहतूककाेंडी केल्याप्रकरणी चालकावर कारवाई केल्याची घटना शुक्रवारी घडली. दशरथ देडे (२३) असे आरोपीचे नाव आहे. याप्रकरणी पोलीस नाईक संदीप शिंदे यांनी नारपोली पोलिसांत गुन्हा दाखल केला आहे.