इंटेरिअर डेकोरेटरला मारहाण

--------------------------------------------

डोक्यावर प्रहार

कल्याण : मुलाला मारहाण करत असल्याने त्याला सोडविण्यासाठी गेलेल्या श्रवण सिंग यांना अशोक बेनीवाल यांनी शिवीगाळ करून भिंतीवर ढकलून दिले. तसेच त्यांच्या डोक्यावर प्रहार करून जखमी केले. याप्रकरणी सिंग यांनी दिलेल्या तक्रारीवरून कोळसेवाडी पोलीस ठाण्यात गुन्हा नोंद झाला आहे. हा प्रकार कैलासनगर येथे सोमवारी रात्री साडेअकराच्या सुमारास घडला.

-----------------------------------

कारचे टायर चोरीला

डोंबिवली : प्रशांत चव्हाण यांनी शनिवार ते सोमवार या कालावधीत जिमखाना सागर्ली रोडवर एस.टी.डेपोच्या बाजूला कार पार्क केली होती. तिचे पुढील दोन टायर चोरीला गेल्याची घटना घडली आहे. याप्रकरणी चव्हाण यांनी टिळकनगर पोलीस ठाण्यात दिलेल्या तक्रारीवरून गुन्हा नोंद झाला आहे.

------------------------------------

मारहाण

डोंबिवली : अक्षय कवडे हा तरुण सोमवारी आडिवली तलावाजवळ सुरू असलेल्या बांधकामाच्या ठिकाणी गेला असता त्याला मनीष चौहान आणि अन्य तिघांनी लाकडी बांबूने मारहाण केल्याची घटना घडली. याप्रकरणी अक्षयने मानपाडा पोलीस ठाण्यात तक्रार दाखल केली असून पोलिसांनी गुन्हा नोंद केला आहे. मारहाणीचे कारण समजू शकलेले नाही.

----------------------------------------

पथदिवे केव्हा लागणार

डोंबिवली : येथील पूर्वेकडील छेडा रोडवर जुन्या पथदिव्यांच्या ठिकाणी नवीन पथदिवे बसविले जात आहेत. परंतु, हे काम संथगतीने सुरू असल्याने या रस्त्यावर रात्री अंधाराचे साम्राज्य असते. पथदिव्यांसाठी चौथरेदेखील बांधून झाले आहेत. मात्र, पुढील कार्यवाही पूर्णपणे ठप्प आहे. त्यामुळे जलदगतीने हे काम पूर्ण करून पथदिव्यांची सुविधा द्यावी, अशी मागणी स्थानिकांकडून होत आहे.

-------------------------------------------------------------