नवी मुंबईत सर्वाधिक तर भिवंडीत सर्वात कमी दुसऱ्या डोसचे लाभार्थी

जिल्ह्यात तिसऱ्या क्रमांकाच्या १९ लाख १६ हजार ८६३ लोकसंख्येच्या कल्याण-डोंबिवली महापालिकेने २० टक्के पहिला डोस व सात टक्के दुसऱ्या डोसचे लसीकरण केले आहे. या खालोखाल १५ लाख दोन हजार लोकसंख्येच्या नवी मुंबईत १२ टक्के दुसऱ्या डोससह २८ टक्के पहिल्या डोसचे लसीकरण झाले आहे. मीरा-भाईंदर या दहा लाख ४७ हजार लोकसंख्येच्या शहरात ३० टक्के पहिला व १२ टक्के दुसरा डोस देण्यात आला आहे. भिवंडीच्या सात लाख ११ हजार नागरिकांपैकी पहिला डोस १४ टक्के व दुसरा चार टक्के जणांना मिळाला. पाच लाख नागरिकांच्या उल्हासनगर शहरात १९ टक्के पहिला व पाच टक्के नागरिकांनी दुसरा डोस घेतला आहे.

-------------