Bhiwandi: भिवंडीतील वरिष्ठ पोलीस अधिकाऱ्याला निरोप देताना पोलीस ठाण्यातील पोलीस गहिवरले
By नितीन पंडित | Published: October 27, 2023 07:53 PM2023-10-27T19:53:19+5:302023-10-27T19:54:23+5:30
Police News: नारपोली पोलीस ठाण्याचे वरिष्ठ पोलीस निरीक्षक मदन बल्लाळ यांची मीरा भायंदर येथे सहाय्यक पोलीस आयुक्तपदी बढती झाल्याने गुरुवारी नारपोली पोलीस ठाण्यात त्यांचा निरोप समारंभ आयोजित करण्यात आला होता.
Bhiwandi: भिवंडीतील वरिष्ठ पोलीस अधिकाऱ्याला निरोप देताना पोलीस ठाण्यातील पोलीस गहिवरले
- नितीन पंडित
भिवंडी - नारपोली पोलीस ठाण्याचे वरिष्ठ पोलीस निरीक्षक मदन बल्लाळ यांची मीरा भायंदर येथे सहाय्यक पोलीस आयुक्तपदी बढती झाल्याने गुरुवारी नारपोली पोलीस ठाण्यात त्यांचा निरोप समारंभ आयोजित करण्यात आला होता.यावेळी भिवंडीतील अनेक वरिष्ठ पोलीस अधिकारी व कर्मचारी उपस्थित होते.यावेळी बल्लाळ यांनी त्यांच्या कार्यकाळात पोलीस ठाण्यातील कर्मचाऱ्यांना कोणताही त्रास न देता कर्मचाऱ्यांच्या अडचणी समजून घेतल्या व शक्य तितक्या अडचणी सोडविण्याचा प्रयत्न केला असल्याच्या प्रतिक्रिया यावेळी अनेक पोलीस अधिकारी व कर्मचाऱ्यांनी आपल्या भाषणातून व्यक्त केल्या.यावेळी महिला पोलीस अधिकाऱ्यांपासून पोलीस कर्मचारी भावुक झाले होते.
त्यांनतर बल्लाळ यांना निरोप देतांना पोलीस ठाण्यात त्यांना फेटा घालून फुलांचा वर्षाव करून निरोप दिला.यावेळी नारपोली पोलीस ठाणे फुलांनी व रांगोळ्यांनी सजवले होते.वरिष्ठ पोलीस निरीक्षक मदन बल्लाळ यांनी त्यांच्या कार्यकाळात अनेक गुन्हेगारांना अटक करून जनसामान्यांना न्याय दिला असल्याच्या प्रतिक्रिया यावेळी पोलीस कर्मचाऱ्यांनी दिल्या.या निरोप समारंभाप्रसंगी अनेक पोलीस अधिकारी व कर्मचारी गहिवरले होते तर अनेकांच्या आसवांचा बांध मोकळा झाला होता.
शिक्षक अथवा इतर अधिकाऱ्यांच्या बदली अथवा सेवा निवृत्ती प्रसंगी जसा भावनिक प्रसंग असतो तसाच भावनिक प्रसंग यावेळी नारपोली पोलीस ठाण्यात पाहायला मिळाला.कर्मचाऱ्यांनी दिलेल्या या निरोपाने स्वतः वरिष्ठ पोलीस निरीक्षक मदन बल्लाळ देखील भावुक झाले होते.यावेळी बल्लाळ यांनी संपूर्ण पोलीस अधिकारी व कर्मचाऱ्यांचे आभार मानून पोळीस ठाण्याचा निरोप घेतला.