दुचाकी चोरी

----------------------------------

घरफोडीत २२ हजारांचा मुद्देमाल चोरीला

डोंबिवली : ठाकुर्लीतील ९० फुटी रोडवरील चामुंडा गार्डन सोसायटीत राहणारे कुणाल पाटील यांचे बंद घर फोडून चोरट्यांनी घरातील दोन मोबाइल व रोकड असा २२ हजारांचा मुद्देमाल चोरून नेल्याची घटना बुधवारी मध्यरात्री घडली. याप्रकरणी रामनगर पोलीस ठाण्यात गुन्हा दाखल झाला आहे.

-----------------------------------

कोरोनाचे नवे ६१ रुग्ण

कल्याण : केडीएमसी हद्दीत शुक्रवारी ६१ नवीन रुग्णांची भर पडली, तर ७१ रुग्णांना डिस्चार्ज देण्यात आला. सध्या ५९७ रुग्णांवर उपचार सुरू आहेत. गेल्या २४ तासांत एका रुग्णाचा मृत्यू झाला आहे. आतापर्यंत मनपा हद्दीत एक लाख ३७ हजार ७३६ इतके रुग्ण बरे झाले आहेत.

--------------------------------------------

कारची धडक

डोंबिवली : शुभम पंडित आणि त्यांचे वडील संजीव हे कार पंक्चर झाली म्हणून टायर बदलत होते. त्यावेळी भरधाव आलेल्या अन्य एका कारची त्यांच्या उभ्या असलेल्या कारला जोरदार धडक बसली. यात शुभम हा जखमी झाला आहे. ही घटना २९ ऑगस्टला बदलापूर पाईपलाईन रोडवर कोळेगाव नाक्याकडे जाणाऱ्या रोडवर घडली. याप्रकरणी कारचालक अनिस वाडकर विरोधात मानपाडा पोलीस ठाण्यात गुन्हा दाखल झाला आहे.

-----------------------------