दुचाकीला किक मारताच बाईकस्वार थेट बाईकसह फोटो स्टुडिओत; VIDEO तुफान व्हायरल
By ऑनलाइन लोकमत | Published: October 29, 2021 04:48 PM2021-10-29T16:48:56+5:302021-10-29T16:51:11+5:30
भिवंडीत घडलेला प्रकार सोशल मीडियावर व्हायरल; संपूर्ण घटना सीसीटीव्हीत कैद
दुचाकीला किक मारताच बाईकस्वार थेट बाईकसह फोटो स्टुडिओत; VIDEO तुफान व्हायरल
Next - नितिन पंडीत
भिवंडी: रस्त्यावर उभी असलेल्या दुचाकीला तरुणाने किक मारून दुचाकीचा गियर टाकला आणि दुचाकीवरील नियंत्रण सुटल्याने काही सेकंदात दुचाकीस्वार बाईकसह थेट फोटो स्टुडिओत घुसल्याची घटना गुरुवारी वंजारपट्टी नाका परिसरात घडली आहे. विषेश म्हणजे या घटनेचा व्हिडीओ सीसीटीव्हीत कैद झाला असून शुक्रवारी हा व्हिडीओ शहरात प्रचंड व्हायरल झाला आहे. दरम्यान अचानक घडलेल्या या अपघातातून फोटो स्टुडिओमधील एक फोटोग्राफर सुदैवाने थोडक्यात बचावला आहे.
दुचाकीला किक मारताच बाईकस्वार थेट बाईकसह फोटो स्टुडिओत; भिवंडीतील घटनेचा व्हिडीओ झाला व्हायरल https://t.co/CbvSFUjpi9pic.twitter.com/SCi1iNQvfD
— Lokmat (@lokmat) October 29, 2021
शहरातील वंजारपट्टी भागात पटेल नगरमध्ये हर्षित डिजिटल फोटो स्टुडिओ आहे. या ठिकाणी एक तरुण दुचाकीवर कामानिमित्ताने आला होता. त्यावेळी याच फोटो स्टुडिओ समोरच्या रस्त्यावर त्याने दुचाकी उभी केली होती. काही वेळाने काम आटपून पुन्हा दुचाकीस्वार दुचाकी बसला आणि दुचाकीला किक मारून दुचाकीचा गियर टाकताच नियंत्रण सुटलेली बाईक दुचाकीस्वारासह थेट फोटो स्टुडिओत घुसली. त्यावेळी फोटो स्टुडिओत काम करणारा एक फोटोग्राफर काऊंटरवर मोबाईल बघत उभा असतानाच अचानक बाईक समोर आला होता. बाईकचा वेग अधिक वाढल्याने दुचाकीस्वाराने ब्रेक दाबण्याच्या प्रयत्नात एक्सलेटर जोरात फिरवल्याने बाईकवरील ताबा सुटला होता. या अचानक घडलेल्या अपघातात स्टुडिओमधील डिजिटल फ्लॅश व इतर साहित्याचे नुकसान झाले.
विशेष म्हणजे जेवढ्या वेगाने हा अपघात झाला तेवढ्याच वेगाने समाज माध्यमांवर अपघाताचे सीसीटीव्ही फुटेज व्हायरल झाले. मात्र या घटनेनंतर बाईकस्वराने माफी मागून स्टुडिओमधील झालेले नुकसान भरपाईची हमी दिल्याने स्थानिक पोलीस ठाण्यात अपघाताची तक्रार फोटो स्टुडिओच्या मालकाने दिली नसल्याचे समजते.