मोठया रकमेच्या आॅफरमुळेच सेक्स रॅकेटमध्ये अडकल्या सिने अभिनेत्री

हॉटेलमध्ये रेड पडू शकते. त्यामुळे कोणताही धोका न पत्करण्यासाठी ठाण्यातील एका उच्चभ्रू निवासी गृहसंकुलातच मॉडेलिंग आणि सिने अभिनेत्रींना मोठया रकमांचे अमिष दाखवून हाय प्रोफाईल सेक्स रॅकेट चालविले जात होते.

ठळक मुद्दे निवासी संकुलात सुरु होता अनैतिक व्यवसायसाडे तीन लाखांमध्ये झाला दोघींचा सौदा

लोकमत न्यूज नेटवर्क
ठाणे: हॉटेलमध्ये रेड पडू शकते. त्यामुळे कोणताही धोका न पत्करण्यासाठी ठाण्यातील एका उच्चभ्रू निवासी गृहसंकुलातच मॉडेलिंग आणि सिने अभिनेत्रींना मोठया रकमांचे अमिष दाखवून हाय प्रोफाईल सेक्स रॅकेट चालविले जात होते. बुधवारी ठाण्यात या रॅकेटमध्ये पकडलेल्या सुनिलकुमार जैन याच्यासह तिघांनाही ७ जून पर्यंत पोलीस कोठडीत ठेवण्याचे आदेश ठाणे न्यायालयाने दिले आहेत.
ठाण्यातील पाचपाखाडीतील एका गृहसंकुलातील हसीना मेमन ही महिला तिच्या स्वीटी (घर मालकीण) या भागीदार महिलेच्या घरात शरीर विक्रयासाठी काही मॉडेलिंग करणाऱ्या तरुणींना तसेच महिलांचा मागणीप्रमाणे पुरवठा करते, अशी गोपनीय माहिती वरिष्ठ पोलीस निरीक्षक कृष्णा कोकणी यांना मिळाली होती. त्याच आधारे मुंब्रा भागात राहणाºया हसीना या दलाल महिलेकडे ठाणे गुन्हे अन्वेषण विभागाच्या एका बनावट गिºहाईकाने दोन मॉडेलची मागणी केली. त्याबदल्यात तिने प्रत्येकीसाठी दोन लाखांची मागणी केली. तडजोडीअंती प्रत्येकीसाठी एक लाख ८० हजार म्हणजे तीन लाख ६० हजारांमध्ये ठरला. हा सौदा ठरल्यानंतर यातील अन्य एक दलाल सुनिलकुमार जैन (४२, रा. गोरेगाव, मुंबई) याच्या मार्फतीने दोन कथित अभिनेत्रींना मोठया रकमांचे अमिष दाखवून त्याठिकाणी बुधवारी दुपारी आणले. या तरुणी तिथे आल्यानंतर मोठया कौशल्याने गुन्हे अन्वेषण विभागाच्या पथकाने अतिरिक्त पोलीस आयुक्त संजय येनपुरे आणि उपायुक्त लक्ष्मीकांत पाटील यांच्या मार्गदर्शनाखाली धाड टाकली. वरिष्ठ पोलीस निरीक्षक कृष्णा कोकणी, सहायक पोलीस निरीक्षक प्रफुल्ल जाधव, योगेश काकड, उपनिरीक्षक कैलास सोनावणे, पोलीस हवालदार रवींद्र पाटील, तेजश्री शेळके आणि माधुरी जाधव यांच्या पथकाने सुनिल आणि हसीना या दलालांसह घरमालकीण स्वीटी या तिघांना अटक केली. अनैतिक व्यापार प्रतिबंधक अधिनियमाखाली नौपाडा पोलीस ठाण्यात याप्रकरणी गुन्हा दाखल करण्यात आला आहे.
मोठया रकमा देऊन हेरायचे-
ज्या सिने अभिनेत्रींना गेली अनेक दिवस चित्रपटांमध्ये कामाची संधीच मिळाली नाही. परंतू पैशांची गरज आहे. त्यांनाच मोठया रकमांचे अमिष दाखवून या रॅकेटमध्ये ओढण्याचे काम सुनिल करीत होता. या कारवाईमध्ये काही रोकड, निरोधाची पाकिटे, मोबाईल फोन आणि पर्स असा दोन लाख १४ हजार १५ रुपयांचा ऐवज जप्त करण्यात आला आहे. यात अशाच प्रकारे आणखी अभिनेत्री किंवा मॉडेलिंग करणाºया तरुणींनाही या सेक्स रॅकेटमध्ये ओढण्यात आले आहे का? याचाही तपास करण्यात येत आहे.