नगरअभियंत्यांना खड्ड्यांच्या फोटोची राखी...

खड्ड्यांच्या समस्येकडे लक्ष वेधण्यासाठी बदलापूर नगरपालिकेच्या नगरअभियंत्यांना खड्ड्यांच्या फोटोची राखी भेट म्हणून देण्यात आली.

बदलापूर : खड्ड्यांच्या समस्येकडे लक्ष वेधण्यासाठी बदलापूर नगरपालिकेच्या नगरअभियंत्यांना खड्ड्यांच्या फोटोची राखी भेट म्हणून देण्यात आली. राष्ट्रवादी काँग्रेस पक्षातर्फे हे आंदोलन करण्यात आले. राष्ट्रवादीचे शहराध्यक्ष कालिदास देशमुख यांच्या नेतृत्वाखाली कार्यकर्त्यांनी हे आंदोलन केले. खड्ड्यांमुळे नागरिकांची होत असलेली प्रचंड गैरसोय व त्रास दूर व्हावा, यासाठी नगरपालिकेने लवकरात लवकर खड्डे भरावेत, या मागणीसाठी हे आंदोलन केल्याचे देशमुख यांनी सांगितले. यासंदर्भात लवकरच कार्यवाही करण्याचे आश्वासन नगरअभियंत्याने दिले. यावेळी राष्ट्रवादीचे अनिसा खान, हेमंत यशवंतराव, कविता पाटील, पप्पू भोईर, मंगल डोळस, ज्योती वैद्य, सायली बळीद आदी पदाधिकारी उपस्थित होते.