ठाणे जिल्ह्यात कोरोनामुळे ११ जणांचा मृत्यू

लोकमत न्यूज नेटवर्क

ठाणे : जिल्ह्यात सोमवारी कोरोनाचे नवीन ४४५ रुग्ण आढळून आले तर मागील २४ तासांत ११ रुग्ण दगावले आहेत. जिल्ह्यात आजपर्यंत पाच लाख ३४ हजार ८९७ रुग्णांसह मृतांची संख्या १० हजार ७५५ नोंदली गेली आहे.

ठाणे मनपा हद्दीत ९७ रुग्ण आढळून आले असून, तिघांचा मृत्यू झाला आहे. त्यामुळे आतापर्यंतची रुग्णसंख्या एक लाख ३३ हजार ८२३ झाली आहे. तर एकूण दोन हजार २३ जण दगावले आहेत. केडीएमसी हद्दीत ११६ रुग्ण नोंदवले गेले असून, एकूण रुग्णसंख्या एक लाख ३६ हजार ८३५ झाली. दिवसभरात एकाचा मृत्यू झाला असून, आतापर्यंत दोन हजार ६०१ मृत्यू झाले आहेत.

उल्हासनगरला सहा रुग्णांच्या वाढीसह दोन मृत्यू झाले. आता येथील रुग्णसंख्या २० हजार ८२४ झाली असून ५१३ मृतांची नोंद झाली आहे. भिवंडीत दोन रुग्ण सापडले असून एकही मृत्यू झालेला नाही. येथील एकूण रुग्ण १० हजार ६३० झाले असून, मृत्यू ४५९ नोंदवले गेले. मीरा-भाईंदरला २८ रुग्णांची वाढ होऊन मृतांची नोंद नाही. आता येथील रुग्णसंख्या ५० हजार ८२८ झाली असून एक हजार ३४२ मृतांची नोंद झाली आहे.

अंबरनाथला १८ रुग्णांची वाढ झाली असून, एकही मृत्यू झालेला नाही. येथील रुग्णसंख्या आता १९ हजार ७९३ झाली असून ५१७ मृतांची नोंद झाली आहे. बदलापूरमध्ये २८ रुग्णांची भर पडली आहे. आज मात्र एकही मृत्यू नाही. आता येथील २१ हजार २११ रुग्णांसह ३४७ मृतांची नोंद झाली आहे. ग्रामीण भागांमध्ये ६७ रुग्ण सापडले असून तीन जण दगावले. या परिसरात आजपर्यंत ३९ हजार ६०२ रुग्णांची वाढ होऊन एक हजार १८८ मृतांची नोंद झाली आहे.

-------------------