corona vaccination : लसीकरण केंद्रात नगरसेवकांची विनामास्क लुडबूड   

corona vaccination : मीरा भाईंदर महापालिकेने कोरोना लसीकरण केंद्र शहरात सुरु केली असून नगरसेवक मात्र त्यातही आपली राजकीय चमकोगिरी दाखवण्यासाठी लसीकरण केंद्रात विना मास्क लुडबुड करताना दिसत आहेत .

मीरारोड - मीरा भाईंदर महापालिकेने कोरोना लसीकरण केंद्र शहरात सुरु केली असून नगरसेवक मात्र त्यातही आपली राजकीय चमकोगिरी दाखवण्यासाठी लसीकरण केंद्रात विना मास्क लुडबुड करताना दिसत आहेत . त्यामुळे नागरिकां मधून अश्या चमको नगरसेवकां बद्दल टीका होत आहे. (Unmasked mess of corporators in Covid-19 vaccination center)

अनेक राजकारणी - नगरसेवकना  कुठल्याही गोष्टीत स्वतःचे राजकारण साध्य करण्यासह चमकोगिरी करण्याची नशा काही सुटता सुटत नाही . कोरोना लसीकरण केंद्रात सुद्धा काही चमको नगरसेवकांनी लुडबुड चालवली आहे . हे नगरसेवक लसीकरणात सुद्धा आपली राजकीय चमकोगिरी सुरुच ठेवली आहे .  

लसीकरण केंद्रात चक्क विना मास्क फिरणाऱ्या अश्या नगरसेवकां बद्दल नागरिकां मधून नाराजी व्यक्त होत आहे . आधीच ज्येष्ठ नागरिक लसीकरण केंद्रात मोठ्या संख्येने एकत्र येत असताना वैद्यकीय व अत्यावश्यक सेवेतील कर्मचाऱ्यां व्यतिरिक्त लोकांना तेथे मोकाट फिरू देणे , लुडबुड करू देणे कितपत योग्य आहे ? असे सवाल काही ज्येष्ठ नागरिक करत आहेत . मास्क नाही तर प्रवेश नाही असे स्टिकर  पालिकेने मास्क न घालताच लसीकरण केंद्रात फिरणाऱ्या नगरसेवकांवर कारवाई करणार का ? असा प्रश्न सुद्धा केला जात आहे .