coronavirus: ठाणे जिल्ह्यात रविवारी सापडले कोरोनाचे ३७९ रुग्ण; पाच जणांचा मृत्यू 

coronavirus News : ठाणे जिल्ह्यात रविवारी कोरोनाचे ३७९रुग्ण आढळून आले असून पाच जणांचा मृत्यू झाला आहे. आता जिल्ह्यात एकूण दोन लाख ४४ हजार २५० बांधितांसह मृतांची संख्या पाच हजार ९७९ झाली आहे

ठाणे - जिल्ह्यात रविवारी कोरोनाचे ३७९रुग्ण आढळून आले असून पाच जणांचा मृत्यू झाला आहे. आता जिल्ह्यात एकूण दोन लाख ४४ हजार २५० बांधितांसह मृतांची संख्या पाच हजार ९७९ झाली आहे, 

 ठाणे शहरात १११ रुग्ण सापडले आहेत. या शहरात आता ५५ हजार ७५९ रुग्ण संख्या झाली आहे. तर, एकाचा मृत्यू झाल्यामुळे या शहरात आतापर्यंत एक हजार ३११ मृतांची नोंद झाली आहे. कल्याण डोंबिवलीला ९४ रुग्ण आढळून आले आहेत. या शहरात रुग्णांची संख्या ५७ हजार ७४४ झाली आहे. तर, दोन मृत्यू झाल्यामुळे या परिसरात एक हजार १०८ मृत्यू नोंदले आहेत.

 उल्हासनगरात १४ रुग्ण सापडल्यामुळे रुग्णाची संख्या ११ हजार ३८८ झाली आहे. तर एकही मृत्यू नसल्याने मृतांची संख्या ३६१ आहे. भिवंडीला तीन रुग्ण नव्याने आढळले असून एकही मृत्यू नाही. या शहरात एकूण बाधीत सहा हजार ६१४ रुग्णांची, तर, ३५२ मृत्यूची नोंद आहे. मीरा भाईंदरला २८ रुग्ण सापडले असून मृत्यू नाही. आतापर्यंत  बाधितांची संख्या २५ हजार ४९७ झाली असून मृतांची संख्या ७८३ पर्यंत गेली आहे. 

अंबरनाथमध्ये १४ रुग्ण आढळले असून दोन मृत्यू झाले आहे. आता बाधीत आठ हजार २७६ असून ३०५ मृत्यू नोंदले आहे. बदलापूरमध्ये १६ रुग्ण सापडले असून बाधीत आठ हजार ९१८ झाले आहेत. एकही मृत्यू नसल्याने मृत्यूची संख्या ११९ कायम आहे. जिल्ह्यातील ग्रामीण भागात सात रुग्ण सापडले असून एकही मृत्यू नाही. आतापर्यंत बाधीत रुग्ण १८ हजार ७९४ झाले असून मृत्यूची संख्या ५८१ नोंदवण्यात आली आहे.