Coronavirus: ठाणे जिल्ह्यात कोरोनाच्या ४२९ रुग्ण वाढीसह आठ मृत्यू

Coronavirus in Thane: ठाणे जिल्ह्यात कोरोना रुग्णांची संख्या ४२९ने वाढली असून आठ जणांचा शनिवारी मृत्यू झाला. जिल्ह्यात आजपर्यंत पाच लाख ३७ हजार ३५८ रुग्णांची व दहा हजार ८३६ मृतांची नोंद झाली आहे.

ठाणे - जिल्ह्यात कोरोना रुग्णांची संख्या ४२९ने वाढली असून आठ जणांचा शनिवारी मृत्यू झाला. जिल्ह्यात आजपर्यंत पाच लाख ३७ हजार ३५८ रुग्णांची व दहा हजार ८३६ मृतांची नोंद झाली आहे.

या रुग्ण संख्येत ठाणे शहरातील ९६ रुग्ण आहे. आज दिवसभरात दोन जणांचा मृत्यू झाला आहे. यासह बाधितांची संख्या एक लाख ३४ हजार ३३५ झाली आहे. तर मृतांची संख्या दोन हजार ३६ नोंदली. कल्याण डोंबिवलीत ११४ बाधीत व दोन मृत्यू आढळले आहे. या शहरात एक लाख ३७ हजार‌ ४४७ बाधितांसह दोन हजार ६२८ मृतांची नोंद झाली.

उल्हासनगरमध्ये ४ बाधीत सापडले असून मृत्यू नाही. यासह शहरात २० हजार ८७१ बाधितांना ५२२ मृतांची नोंद केली आहे. भिवंडीत तीन बाधीत व एकही मृत्यू नाही. यामुळे या शहरातील दहा हजार ६५४ बाधितांसह ४६० मृत्यू नोंद आहेत. मीरा भाईंदरला ३८ बाधीत असून एकही मृत्यू नाही. या शहरातील ५१ हजार ३७ बांधिता व एक हजार ३४२ मृत्यूची नोंद करण्यात आली आहे.

अंबरनाथमध्ये १४ बाधीत व एकही मृत्यू नाही. यामुळे आता येथील बाधितांची संख्या १९ हजार ८९३ व मृतांची संख्या ५१८ नोंदली आहे. कुळगांव बदलापूर शहरात १६ बाधीत सापडले असून एक मृत्यू आहे. येथील बाधीत २१ हजार ३१० तर मृत्यू ३४९ नोंदली आहे. जिल्ह्यातील ग्रामीणमध्ये ४४ बाधीत सापडले. पण एक मृत्यू आहे. यामुळे या ग्रमीण क्षेत्रात आजपर्यंत ३९ हजार ८५४ बाधितांची व एक हजार १९५ मृतांची नोंद झाली आहे.