बांधकाम सुरु असलेल्या इमारती वरून पडून मृत्यू

या प्रकरणी पोलीस तपास करत आहेत . 

मीरारोड - मीरारोडच्या आपना घर फेज ३ मधील एका इमारतीचे बांधकाम सुरु आहे . त्या इमारतीच्या चौथ्या मजल्या वरून झोपण्याच्या प्लायवूड वरून खाली पडून मुकेश सिंह मार्को ( २६ ) मूळ रा . मध्यप्रदेश हा मरण पावल्याची घटना घडली असल्याची नोंद काशीमीरा पोलिसांनी केली आहे. 

पोलिसांच्या नोंदी नुसार मुकेश हा सुरत वरून अपना घर फेज ३ मध्ये काम करणाऱ्या मित्र गोपालसिंह परस्ते ह्याला भेटण्यासाठी आला होता . ६ फेब्रुवारी रोजी सायंकाळी मुकेश हा चौथ्या मजल्या वरील झोपण्याच्या  प्लायवूड वरून खाली पडून गंभीर जखमी झाला . त्याला भाईंदरच्या भीमसेन जोशी शासकीय रुग्णालयात उपचारासाठी नेले असता डॉक्टरांनी मयत घेशील केल्याचे गोपाल याने मुकेशचा भाऊ हेमराज याला कळवले . या प्रकरणी पोलीस तपास करत आहेत .