दिवाळीनंतर उपनगराध्यक्ष निवडणूक

कुळगाव-बदलापूर नगरपालिका उपनगराध्यक्षपदाचा श्रीधर पाटील यांनी राजीनामा दिल्यानंतर रिक्त झालेल्या जागेसाठी आठवडाभरात निवडणूक लागण्याची शक्यता होती.

बदलापूर : कुळगाव-बदलापूर नगरपालिका उपनगराध्यक्षपदाचा श्रीधर पाटील यांनी राजीनामा दिल्यानंतर रिक्त झालेल्या जागेसाठी आठवडाभरात निवडणूक लागण्याची शक्यता होती. मात्र, दिवाळीमुळे ही निवडणूक २ नोव्हेंबरनंतरच होण्याची शक्यता आहे. दुसरीकडे या पदासाठी भाजपामध्ये शरद तेली यांचे नाव आघाडीवर असून त्यांच्या नावावर एकमत झाल्याचे स्पष्ट आहे. या निवडणूक प्रक्रियेची जबाबदारी नगरसेवकांवरच सोपवली आहे. एकमत न झाल्यास पक्षश्रेष्ठी निर्णय घेणार आहेत. (प्रतिनिधी)