उल्हासनगरात नशेखोरांची पोलिसांना धक्काबुक्की

उल्हासनगर कॅम्प नं-५ येथील मठ मंदिर येथे धिंगाणा घालून शिवीगाळ करणाऱ्या चिराग मिरचंदानी या तरुणाला स्थानिक नागरिकांनी मंगळवारी मध्यरात्री अडीच वाजता पकडून ठेवले होते.

उल्हासनगर - शहरातील मठ मंदिर परिसरात शिविगाळ करणाऱ्या एका नशेखोराला नागरिकांनी पकडून ठेवले. त्याला ताब्यात घेणाऱ्या पोलिसांना शिवीगाळ व धक्काबुक्की केल्याचा प्रकार घडला असून याप्रकरणी हिललाईन पोलीस ठाण्यात गुन्हा दाखल कण्यात आला आहे.

 उल्हासनगर कॅम्प नं-५ येथील मठ मंदिर येथे धिंगाणा घालून शिवीगाळ करणाऱ्या चिराग मिरचंदानी या तरुणाला स्थानिक नागरिकांनी मंगळवारी मध्यरात्री अडीच वाजता पकडून ठेवले होते. त्यावेळी हिललाईन पोलीस ठाण्याचे पोलीस हवालदार संदीप बर्वे यांच्यासह अंमलदार तेथे पोहचले. त्यांनी नशेखोर चिराग मिरचंदाणी याला जाब विचारून आम्ही पोलीस असल्याचे सांगितले. चिराग याने पोलिसांना अर्वाच्च शिवीगाळ करून धक्काबुक्की केली. तसेच सरकारी कामात अडथळा निर्माण केला. पोलिसांनी त्याला सरकारी वाहनात बसून पोलीस ठाण्याला आणले. चिराग त्याच परिसरात राहणारा असून त्याचा मेन्सवेअरचे काम करतो. त्याच्यावर गुन्हा दाखल करून अटक केली. पोलीस अधिक तपास करीत आहेत.