मे अखेर १०० टक्के नाल्यांची सफाई होणार; महापौरांचा नालेसफाई पाहणी दौरा

सोमवारी दुपारी २ वाजल्यापासून महापौर नरेश म्हस्के यांच्यासह उपमहापौर पल्लवी कदम, स्थायी समिती सभापती संजय भोईर यांच्यासह स्थानिक नगरसेवक या पाहणी दौऱ्यात हजर होते.

लोकमत न्यूज नेटवर्क
ठाणे  : शहरातील नाल्यांची सफाई योग्य पध्दतीने सुरु असून येत्या ३१ मे र्पयत नाल्यांची सफाई १०० टक्के होणार असल्याचा दावा महापौर नरेश म्हस्के यांनी केला आहे. सध्या नाल्यांची सफाई ६० ते ७० टक्के झाली असून नाले सफाई योग्य पध्दतीने व्हावी पावसाळ्यात नाल्यातील पाणी न तुंबण्यासाठी जी पाणी साठण्याची ठिकाणो आहेत, त्याठिकाणी टीम कार्यरत केल्या जाणार असल्याची माहिती देखील त्यांनी दिली.
           सोमवारी दुपारी २ वाजल्यापासून महापौर नरेश म्हस्के यांच्यासह उपमहापौर पल्लवी कदम, स्थायी समिती सभापती संजय भोईर यांच्यासह स्थानिक नगरसेवक या पाहणी दौऱ्यात हजर होते. यावेळी त्यांनी ज्ञानसाधना महाविद्यालय, पासपोर्ट ऑफीस, थिराणी शाळेजवळ, लोढा, ऋतुपार्क, एसटी वर्कशॉप आणि वंदना बसस्टॉप येथील नाले सफासफाईची पाहणी त्यांनी केली. यावेळी नालेसफाईची कामे समाधानकारक झाली असल्याचा दावा म्हस्के यांनी केला आहे. सध्याच्या पाहणीत नालेसफाईची कामे ही ६० ते ७० टक्के पूर्ण झाली असल्याचेही त्यांनी यावेळी स्पष्ट केले. तर येत्या ३१ मे अखेर र्पयत नालेसफाईची कामे 1क्क् टक्के पूर्ण केली जातील असाही दावा त्यांनी यावेळी केला.
या नालेसफाईच्या अनुषंगाने पालिका अधिकारी आणि संबधींत ठेकेदारांना काही महत्वाच्या सुचना यावेळी दिल्याचेही त्यांनी यावेळी सांगितले. त्यानुसार ज्या ज्या ठिकाणी नालेसफाई करतो, त्या नाल्यांना जी गटारे मिळतात ते देखील साफ होणो गरेजचे आहे, त्याठिकाणी देखील कचरा काढला जात आहे. तसेच कचरा उचलण्यासाठी नाल्यांची ज्या काही भिंती तोडल्या जात आहेत, त्या पुन्हा उभारण्याचेही संबधींतांना सांगण्यात आले आहे.  तसेच नाल्यातील बाहेर काढण्यात आलेला कचरा हा पूर्णपणो उचलण्यात यावा तसचे तेथील रस्ता स्वच्छ धुवून घ्यावा अशा सुचना देण्यात आल्या आहेत. तसेच मागील वर्षीचा अनुभव पाहता पाणी कुठे तुंबेल, साचेल याची देखील माहिती घेण्यात आलेली आहे. तसेच यासाठी पावसाळ्यात पुन्हा एकदा दौरा केला जाणार आहे. तसेच पावसाळ्यात नाल्यातून अनेक वस्तु वाहून येत असतात. त्यामुळे प्रवाह अडला जातो. त्यानुसार कुठे हा प्रवाह अडला जातो, याची देखील माहिती घेण्यात आलेली आहे. त्याठिकाणी विशेष टिम नियुक्त केली जाणार असून त्यांच्या माध्यमातून काम केले जाणार असल्याचेही त्यांनी स्पष्ट केले.