उल्हासनगरात रक्तदानासाठी तरुणाईचा उत्साह

उल्हासनगर : स्वातंत्र्य सेनानी तथा लोकमतचे संस्थापक-संपादक जवाहरलाल दर्डा यांच्या जयंतीनिमित्त नेहरू चौकातील देवी भवानी मंदिर सभागृहात रोटरॅक्ट क्लबच्या वतीने शनिवारी रक्तदान शिबिराचे आयोजन करण्यात आले. शिबिराला क्लबच्या तरुणांनी गर्दी केली होती.

उल्हासनगरमध्ये सपना गार्डन येथील रोटरॅक्ट क्लबच्या वतीने शनिवारी सकाळी १० ते दुपारी ४ यादरम्यान रक्तदान शिबिराचे आयोजन करण्यात आले. यावेळी क्लबचे अध्यक्ष हितेश सोमया यांच्यासह अविनाश भेरवानी, अमित पथाई, तनिष्क साहिजवानी, चांदी बदलानी, अंजली बदलानी, अंजली बसंतानी, नीरज कुकरेजा, देवेश हरियानी आदी उपस्थित होते. रक्तदान करणाऱ्यांमध्ये बहुतांश तरुण असल्याने त्यांच्यात रक्तदान करण्याबाबत जागरूकता निर्माण झाल्याचे क्लबचे अध्यक्ष हितेश सोमया यांनी सांगितले. लोकमतच्या माध्यमातून महाराष्ट्रभर राबवित असलेल्या रक्तदान शिबिराचे त्यांनी कौतुक केले. लोकमतचे जुने वाचक सूर्यकांत जाधव असून त्यांनी सकाळी पेपरमध्ये रक्तदान शिबिर आयोजित केल्याचे वाचून रक्तदान केले. फॉरवर्ड लाइन येथून रक्तदान शिबिरात ते सहभागी झाले. तसेच लोकमतने सुरू केलेल्या उपक्रमाला शुभेच्छा दिल्या.

रक्तदान केलेल्यांची नावे

हरेश ज्ञानचंदानी, तनीष साहिजवानी, अनिल सपला, नवीन कालरा, सूर्यकांत जाधव, नीरज कुकरेजा, सन्नी मानवानी, प्रेम चांदवानी, पहिलराज मेघराजानी, हितेश वाधवा, रोहित वाधवा, सिमरन रोहरा, विजय गोखलानी, आशुतोष मेघराजानी, राज मेघनानी, विजय नारा, रजत धेरा आदींनी रक्तदान केले.