भाजपच्या माजी नगरसेवकावर वीज चोरीचा गुन्हा; वीज मीटरमध्ये छेडछाड

भाजपाच्या गणेश गोपाळ शेट्टी या माजी नगरसेवकांवर वीजचोरीचा गुन्हा अदानी वीज कंपनीने नवघर पोलीस ठाण्यात दाखल केला आहे .

धीरज परब

मीरारोड - भाजपाच्या गणेश गोपाळ शेट्टी या माजी नगरसेवकांवर वीजचोरीचा गुन्हा  अदानी वीज कंपनीने नवघर पोलीस ठाण्यात दाखल केला आहे .  अदानी वीज कंपनीच्या दक्षता विभागाचे वरिष्ठ व्यवस्थापक गणेश भोसले हे सहकारी मनोज मांजरेकर व कर्मचारी यांच्या सह भाईंदर पूर्वेला आरएनपी पार्क भागात कोळी नगर येथील प्रथमेश पार्टी ग्राऊंड च्या वीज पुरवठाची तपासणी करत होते .  तेथील वीज मीटर मध्ये फेरफार व छेडछाड करून अनधिकृत वीज पुरवठा घेतला गेल्याचे आढळून आले . त्यासाठी बेकायदा वायरी जोडण्यात आल्या होत्या . 

अदानीच्या अधिकाऱ्यांनी तेथे असलेल्या देवेंद्र पाटील यांच्या कडे चौकशी केली असता जागेचे मालक गणेश शेट्टी असल्याचे व भाडेतत्वार ग्राउंड चालवत असल्याचे सांगितले .  वीज मीटर शेट्टी च्या नावे असून तपासणीत जून २०२२ ते ऑक्टोबर २०२३ दरम्यान १४ हजार १२७ युनिट व २ लाख ८६ हजर रुपयांची वीज चोरी असल्याचे निष्पन्न झाले . या प्रकरणी भारतीय विद्युत अधिनियम नुसार भोसले यांच्या फिर्यादी वरून बुधवारी नवघर पोलीस ठाण्यात गणेश शेट्टी व देवेंद्र पाटील विरुद्ध वीज चोरीचा गुन्हा दाखल करण्यात आला आहे . हवालदार व्हनमारे तपास करत आहेत . 

भाईंदर पूर्वेला अण्णा पॅलेस ऑर्केस्ट्रा बार मधील अश्लील आणि अनैतिक प्रकारां बाबत देखील भाजपाचे गणेश शेट्टी विरुद्ध नवघर पोलीस ठाण्यात पिटा सह विविध गुन्हे दाखल आहेत . सदर बार चे बांधकाम अनधिकृत असून देखील कारवाई होत नसल्याचे आरोप आहेत .

जोपर्यंत देवेंद्र फडणवीस मनावर घेत नाहीत तोपर्यंत एकनाथ शिंदे कितीही शपथा घेतील त्या शपथांची किती पूर्तता होईल या बद्दल माझ्या मनात शंका आहे, असंही भास्कर जाधव म्हणाले.