भिवंडीत ब्रँडेड कंपन्यांचा बनावट कपड्यांचा साठा जप्त; १० लाख ११ हजार ६०० रुपयांचा माल

एका दुकानातून १० लाख ११ हजार ६०० रुपये किमतीचा बनावट ट्रक पँट चा साठा गुरुवारी जप्त करण्यात आला आहे.

भिवंडी : शहरातील बाजारात सुप्रसिद्ध ब्रँड चे साहित्य बनावट स्वरूपात बनवून विक्री करण्याचा व्यवसाय मोठ्या प्रमाणावर फोफावलेला असून त्या विरोधात तक्रार केल्या नंतर एका दुकानातून १० लाख ११ हजार ६०० रुपये किमतीचा बनावट ट्रक पँट चा साठा गुरुवारी जप्त करण्यात आला आहे.

शहरातील प्रभू आळी येथील प्रधान बिल्डिंग येथे एस.एस.एस.कलेक्शन हे तयार कपड्याचे दुकान असून दुकान मालक मोहम्मद आरीफ जाकीरअली सैयद याने आपल्या दुकानात नायके इनोवेट सी वी कंपनीचे ५३८ शर्ट व शॉर्टस तर अदीदास ए.जी.कंपनीचे ३१५ शॉर्टस, ट्रॅक पॅन्टी कंपनीचे ट्रॅक पॅन्ट,टी शर्ट हे विक्रीसाठी ठेवून कंपनीच्या स्वामीत्वाच्या मुळ हक्काचे उल्लंघन केले, म्हणून कंपनी प्रतिनिधी यांनी दिलेल्या तक्रारी वरून भिवंडी शहर पोलिस ठाण्यात मोहम्मद आरीफ सैयद या विरोधात गुन्हा दाखल करून सर्व बनावट कपडे जप्त करण्यात आले आहेत.