Video: मुंबई-नाशिक महामार्गावर भीषण अपघात; ६ जण जागीच ठार ३ जण जखमी

गेल्या अनेक वर्षापासून या भागात स्थानिकांकडून उड्डाणपूलाची मागणी होत आहे.

नारायण जाधव

शहापूर – मुंबई-नाशिक महामार्गावर पुन्हा एकदा भीषण अपघात झाला आहे. सकाळी साडे सहाच्या सुमारास काळी-पिवळी जीपला ट्रेलरने धडक दिली. या अपघातात ६ जागीच ठार झाले तर इतर ३ जण जखमी झाले आहेत. पडघा परिसरातील खडवली फाट्यावर ही दुर्घटना घडली. पडघा वरुन खडावली रेल्वे स्टेशनला जात असताना हा अपघात झाला. 

गेल्या अनेक वर्षापासून या भागात स्थानिकांकडून उड्डाणपूलाची मागणी होत आहे. अनेकदा रहिवाशांनी आंदोलन केले. ३ वेळा ग्रामस्थांनी टोलनाकाही बंद पाडला होता. तरीही प्रशासनाकडून याची कुठलीही दखल न घेतल्याने नागरिकांनी संतप्त भावना व्यक्त केली आहे. आजच्या अपघातानंतर पुन्हा ग्रामस्थांनी आक्रमक भूमिका घेत टोल नाका बंद  पाडण्याचा प्रयत्न केला.

मुंबई-नाशिक महामार्गावर खडवली फाट्यावर दिली ट्रेलरने जीपला धडक, ४ ठार #Accidentpic.twitter.com/88cUUndxXA

— Lokmat (@lokmat) July 18, 2023

अपघातातील मृतांची नावे 
१) चिन्मयी विकास शिंदे - वय १५ - मयत 
२) रिया किशोर परदेशी - मयत 
३) चैताली सुशांत पिंपळे - वय २७ - मयत 
४)संतोष अनंत जाधव - वय ५० - मयत 
५)वसंत धर्मा जाधव - वय ५० - मयत 
६) प्रज्वल  शंकर  फिरके - मयत 

जखमींची नावे 
१)दिलीप कुमार विश्वकर्मा वय २९ जखमी 
२)चेतना गणेश जसे वय १९ जखमी 
३) कुणाल ज्ञानेश्वर भामरे वय २२ जखमी 

अपघातातील जखमी व्यक्तींना भिवंडी येथील खासगी रुग्णालयात उपचारासाठी दाखल करण्यात आले आहे.