भिवंडीत भीषण आग; 11 गोदामं जळून खाक
By ऑनलाइन लोकमत | Published: December 23, 2018 06:09 PM2018-12-23T18:09:51+5:302018-12-23T18:21:17+5:30
अग्निशमन दलाचे जवान घटनास्थळी; आग विझवण्यासाठी शर्थीचे प्रयत्न
भिवंडीत भीषण आग; 11 गोदामं जळून खाक
ठाणे: भिवंडीतील भीषण आगीत 11 गोदामं जळून खाक झाली आहेत. गुंदवलीतील श्रीकृष्ण कॉम्प्लेक्समध्ये ही आग लागली आहे. या आगीचा प्लास्टिकचे गिफ्ट्स आणि खेळण्यांच्या 11 गोदामांना बसला आहे. अग्निशमन दलाचे जवान सध्या घटनास्थळी दाखल झाले आहेत. ही आग विझवण्यासाठी 3 ते 4 तास लागण्याची शक्यता आहे. या आगीमुळे गुंदवली ग्रामपंचायत हद्दीत धुराचे लोट पसरले आहेत.
Spot visuals: Fire breaks out in a godown in Bhiwandi. Fire tenders present at the spot. More details awaited. #Maharashtrapic.twitter.com/OTBVMMvqfx
— ANI (@ANI) December 23, 2018
भिवंडीतील आग विझवण्यासाठी सध्या अग्निशमन दलाच्या 5 गाड्या घटनास्थळी दाखल झाल्या आहेत. आग नियंत्रणात आणण्यासाठी सध्या अग्निशमन दलाच्या जवानांचे शर्थीचे प्रयत्न सुरू आहेत. भिवंडीतील गुंदवली भागात प्लास्टिक वस्तू, खेळण्यांची गोदामं आहेत. या गोदामांना आगीचा मोठा फटका बसला आहे. कांदिवलीतील दामूनगर भागातही आग लागली आहे. या ठिकाणी अग्निशमन दलाच्या चार गाड्या दाखल झाल्या आहेत.
Mumbai: Level-2 fire breaks out in a cloth factory at Damu Nagar near MIDC bus stop in Kandivali (East). Four fire tenders present at the spot. #Maharashtrapic.twitter.com/O2wow42eLz
— ANI (@ANI) December 23, 2018
