डोंबिवली एमआयडीसीतील गोदामाला आग; जीवितहानी नाही

अग्निशमन दलाचे जवान घटनास्थळी; आग विझवण्याचे प्रयत्न सुरू

डोंबिवली: कपड्यासाठी लागणारं साहित्य पुरवणाऱ्या शारदा प्रोसेस कंपनीच्या चार मजली गोदामाला आग लागली आहे. सध्या घटनास्थळी केडीएमसीचे 7, उल्हासनगर, भिवंडी महापालिकेच्या अग्निशमन दलाचा प्रत्येकी एक आणि डोंबिवलीएमआयडीसीचा 1 बंब दाखल झाला आहे. गोदामाला लागलेली आग आटोक्यात येत नसल्याची माहिती केडीएमसीच्या अग्निशमन विभागाचे अधिकारी सुरेश शिंदे यांनी दिली. एमआयडीसी फेज 2 मध्ये ही आग लागली असून त्यामध्ये अद्याप सुदैवानं कुठलीही जीवितहानी झालेली नाही.