गुढीपाडव्याच्या स्वागत यात्रेत माजिवड्याला मतदार जनजागृती

गुढीपाडव्याच्या मुहूर्तावर १४६ ओवळा माजिवडा विधानसभाक्षेत्र जनजागृती कार्यक्रमांनी दुमदुमले.

सुरेश लोखंडे, ठाणे : गुढीपाडव्याच्या मुहूर्तावर १४६ ओवळा माजिवडा विधानसभाक्षेत्र जनजागृती कार्यक्रमांनी दुमदुमले. येथील लोढा पॅराडाईज महिला संघ व हाऊसिंग फेडरेशन माजिवडा मानपाडा प्रभाग ठाणे येथे नोडल अधिकारी सुनिल यादव व नायब तहसिलदार तथा नोडल अधिकारी स्मितल यादव यांच्या मार्गदर्शनखाली स्वीप पथकाचे अशोक भोये व सर्व स्वीप कर्मचारी यांनी गुढीपाडव्याच्या कार्यक्रमात मतदारांमध्ये जनजागृती करण्यात आली. यास नागरिकांनी उत्तम प्रतिसाद दिला.

यावेळी सर्व महिला व नागरिकांना १०० टकके मतदान करण्याचे आवाहन करण्यात आले. यावेळी उपस्थिताना यादव यांनी मार्गदर्शन केले. यावेळी महिला वर्ग, जेष्ठ नागरिक व नवमतदार आदी तरुण पीढीने जास्तीत जास्त मतदान करावे,असे आवाहन यावेळी गांवकऱ्यांना करण्यात आले आहे.