मुंबई-आग्रा महामार्गावर भीषण अपघात, 4 जणांचा मृत्यू तर 2 जण जखमी
By ऑनलाइन लोकमत | Published: November 17, 2018 11:01 AM2018-11-17T11:01:51+5:302018-11-17T11:30:46+5:30
मुंबई-आग्रा महामार्गावर शहापूरजवळ देखील एका भरधाव कारनं रस्त्याच्या कडेला वाहनांची वाट पाहत उभ्या असलेल्या प्रवाशांना उडवल्याची घटना घडली आहे.
मुंबई-आग्रा महामार्गावर भीषण अपघात, 4 जणांचा मृत्यू तर 2 जण जखमी
शहापूर - मुंबई-आग्रा महामार्गावर शहापूरजवळ देखील एका भरधाव कारनं रस्त्याच्या कडेला वाहनांची वाट पाहत उभ्या असलेल्या प्रवाशांना उडवल्याची घटना घडली आहे. या भीषण अपघातात चार जणांचा जागीच मृत्यू झाला असून दोन जण गंभीर जखमी झाले आहेत. शनिवारी (17 नोव्हेंबर) सकाळच्या सुमारास हा अपघात झाला.
मिळालेल्या माहितीनुसार, मुंबईहून नाशिककडे निघालेल्या इनोव्हा चालकाचे शहापूरजवळ वाहनावरील नियंत्रण सुटले. चालकाने रस्त्याच्या कडेला उभ्या असलेल्या लोकांना चिरडलं. यामध्ये इनोव्हा खोल खड्ड्यात जाऊन आदळली. भीषण अपघातात चार जणांचा जागीच मृत्यू झाला असून दोन जण जखमी झाले. अपघातातील जखमींना उपचारासाठी तातडीने रुग्णालयात दाखल करण्यात आले आहे. अपघाताची माहिती मिळताच पोलीस घटनास्थळी दाखल झाले आहेत.
मुंबई-आग्रा महामार्गावर शहापूर येथे भीषण अपघात, 4 जणांचा जागीच मृत्यू तर 2 जण गंभीर जखमी #accident
— Lokmat Media Pvt Ltd (@MiLOKMAT) November 17, 2018
