शाैचालयाच्या उद्घाटनावेळी काेराेनाच्या नियमांचा फज्जा

उल्हासनगर : महापालिका प्रभाग क्रमांक ७ च्या नगरसेविका लक्ष्मी सिंग यांच्या नगरसेवक निधीतून बांधलेल्या सार्वजनिक शौचालयाचे उद्घाटन शुक्रवारी सायंकाळी आमदार कुमार आयलानी, उपमहापौर भगवान भालेराव आदींच्या हस्ते झाले. यावेळी कोरोना नियमाचा फज्जा उडाल्याने टीकेची झाेड उठली आहे.

उल्हासनगर कॅम्प नं. २ खेमानी परिसरातील प्रभाग क्र. ७ च्या नगरसेविका लक्ष्मी सिंग यांनी नागरिकांच्या सोयीसाठी नगरसेवक निधीतून सार्वजनिक शौचालय उभारले. शौचालयाचे उद्घाटन आमदार कुमार आयलानी, उपमहापौर भगवान भालेराव, भाजपचे शहराध्यक्ष जमनुदास पुरस्वानी आदींसह भाजप नगरसेवकांच्या हस्ते झाले. यावेळी नागरिकांनी गर्दी केली होती. या कार्यक्रमात कोरोना नियमांचा सर्रास भंग झाल्याने सर्व स्तरातून टीकेची झोड उठली. महापालिका व पोलीस प्रशासन यावर काय कारवाई करतात, याकडे सर्वांचे लक्ष लागले आहे.