उल्हासनगरातील नेताजी चौक परिसरात तलवारी व चॉपर घेऊन टोळक्याचा धिंगाणा

याप्रकरणी हिललाईन पोलीस टोळक्याचा शोध घेत असून मोमज खाण्यावरून वाद झाल्याचे बोलले जात आहे. 

 उल्हासनगर : कॅम्प नं-५ नेताजी चौक परिसरातील भरवस्तीत एका टोळक्यांने तलवार व चॉपर घेऊन धिंगाणा घातल्याची घटना सीसीटीव्ही कॅमेऱ्यामुळे उघड झाली. याप्रकरणी हिललाईन पोलीस टोळक्याचा शोध घेत असून मोमज खाण्यावरून वाद झाल्याचे बोलले जात आहे. 

उल्हासनगर पूर्वेतील नेताजी चौकात सन्नि सोनकर नावाचा तरुण हातगाडीवर मोमज विक्रीचा व्यवसाय करतो. तीन दिवसापूर्वी एक टोळके मोमज खाण्यासाठी आले. मात्र पैसे न दिल्यावरून त्यांच्यात वाद झाला. याच रागातून या टोळक्याने हातात तलवारी व चॉपर हातात घेवून धिंगाणा घालत सोनकर यांचे घर गाठून शिवीगाळ व हाणामारी केली. या सर्वप्रकार सीसीटीव्ही कॅमेऱ्यात कैद झाल्याने, धिंगाणा घातल्याचा प्रकार उघड झाला. याबाबत सोनकर यांनी हिललाईन पोलीस ठाण्यात तक्रार दिल्यावर गुन्हा दाखल झाला असून टोळक्याची चौकशी व ओळख काढून कारवाईचे संकेत पोलिसांनी दिले.