गुजरात विधानसभा निवडणुकीत एकहाती सत्ता; भिवंडीत भाजप कार्यकर्त्यांनी केला जल्लोष

फटाके व ढोलताशे वाजवत एकमेकांना पेढे भरवत भाजप कार्यकर्त्यांनी भिवंडी शहराध्यक्ष संतोष शेट्टी यांच्या मार्गदर्शनाखाली जल्लोष साजरा केला.

भिवंडी - गुजरात विधानसभा निवडणुकीत भाजपने एकहाती सत्ता मिळविल्याने भिवंडीत भाजप कार्यकर्त्यांनी शुक्रवारी जल्लोष साजरा केला. फटाके व ढोलताशे वाजवत एकमेकांना पेढे भरवत भाजप कार्यकर्त्यांनी भिवंडी शहराध्यक्ष संतोष शेट्टी यांच्या मार्गदर्शनाखाली जल्लोष साजरा केला.

पंतप्रधान नरेंद्र मोदी व केंद्रीय गृहमंत्री अमित शहा यांचे नेतृत्वावर २७ वर्षांपासून नागरिक विश्वास ठेऊन गुजरात विधानसभा निवडणुकीत भारतीय जनता पार्टीला पुन्हा एकदा प्रचंड बहुमताने ऐतिहासिक विजय प्राप्त झाला असून ही आम्हा सर्व भाजप कार्यकर्त्यांसाठी अभिमानाची बाब आहे त्यामुळे हा जल्लोष साजरा करण्यात येत आहे अशी प्रतिक्रिया यावेळी भाजपा भिवंडी शहर जिल्हाध्यक्ष संतोष शेट्टी यांनी दिली आहे.

यावेळी प्रदेश सदस्य व सेन्सर बोर्ड सदस्य प्रेषित जयवंत,  महासचिव महिदीप सिंग चव्हाण, महिला मोर्चा सदस्या रेखा पाटील, उपाध्यक्ष अविनाश सिकची, जियालाल गुप्ता, माजी नगरसेविका साखरताई बगाडे, महिला मोर्चा अध्यक्ष ममता परमानी, युवा मोर्चा अध्यक्ष राजू चौघुले, अनुसूचित जाती अध्यक्ष मधुकर जगताप, सचिव दिलीप गुप्ता, ब्रिजेश पांडे, प्रसिद्धी प्रमुख पी डी यादव, उत्तर भारतीय मोर्चा अध्यक्ष प्रवीण मिश्रा, कार्यालय प्रमुख ऍड नंदन गुप्ता यांच्यासह भाजप कार्यकर्ते मोठ्या संख्येने उपस्थित होते.