ठाणे जिल्ह्यात कोरानाच्या एक हजार ४२८ रुग्णांची वाढ

लोकमत न्यूज नेटकर्क

ठाणे : जिल्ह्यातील महापालिकांसह ग्रामीण गावपाड्यात मंगळवारी १४२८ कोरोना रुग्णांची वाढ झाली असून, ६५ जणांचा मृत्यू झाला आहे. आतापर्यंत रुग्णसंख्या ४ लाख ९१ हजार ८१७ झाली असून, जिल्ह्यातील एकूण मृतांची संख्या ८१७३ झाली आहे.

ठाणे शहरात २९० रुग्णांची वाढ होऊन आठ जणांचा मृत्यू झाला. या शहरात एकूण १ लाख २४ हजार ८०१ रुग्णांसह १७६६ मृतांची नोंद झाली. कल्याण-डोंबिवलीत ४१५ रुग्णांची वाढ, तर २० मृत्यू झाले आहेत. या शहरातील रुग्णसंख्या १ लाख २७ हजार २४९ झाली असून, मृतांची संख्या आता १५८४ नोंदली आहे.

उल्हासनगरात ६९ रुग्ण आढळले असून, तीन मृत्यू झाले. येथील मृतांची संख्या आता ४५० झाली असून, रुग्णसंख्या १९ हजार ५२४ नोंद झाली. भिवंडी शहरात २४ रुग्ण आढळले असून, एक मृत्यू झाला आहे. या शहरात १० हजार ११७ रुग्णांसह ४०५ मृतांची नोंद झाली. मीरा-भाईंदरला ११९ रुग्णांच्या वाढीसह ११ जणांच्या मृत्यूची नोंद झाली आहे. येथील रुग्णांची एकूण संख्या ४६ हजार २९० झाली असून, मृतांची संख्या ११३६ नोंद झाली.

अंबरनाथला ४३ रुग्ण वाढल्याने येथील रुग्णसंख्या आता १८ हजार ५८४ झाली, तर ३९४ मृतांची नोंद करण्यात आली. बदलापूरला ५६ रुग्णांची वाढ होऊन आठ मृत्यू झाले. याप्रमाणेच ग्रामीण भागात २३५ रुग्ण आढळले असून, आठ मृत्यू झाले. आता जिल्ह्यातील या गावपाड्यात ३० हजार ११० रुग्णांसह ७५४ मृतांची नोंद करण्यात आली.