राष्ट्रवादीच्या भिवंडी तालुका अध्यक्षपदी कैलास घरत

राष्ट्रवादी काँग्रेस पार्टीच्या भिवंडी तालुका अध्यक्षपदी कैलास चिंतामण घरत यांची नियुक्ती करण्यात आली आहे.

भिवंडी: राष्ट्रवादी काँग्रेस पार्टीच्या भिवंडी तालुका अध्यक्षपदी कैलास चिंतामण घरत यांची नियुक्ती करण्यात आली आहे.राष्ट्रवादी काँग्रेसच्या फुटी नंतर राष्ट्रवादी काँग्रेस पार्टी अजित पवार गटाच्या तालुका अध्यक्षपदी कैलास घरत यांची नियुक्ती करण्यात आली आहे. अजित पवार गटाच्या राष्ट्रवादी काँग्रेसच्या ठाणे जिल्हा ग्रामीण अध्यक्ष भरत गोंधळी यांनी कैलास घरत यांची तालुका अध्यक्षपदी नियुक्ती केली आहे.यावेळी राष्ट्रवादीच्या महिला जिल्हा अध्यक्ष कल्पना तारमले, प्रदेश  उपाध्यक्ष  प्रविण खरात,युवा नेते प्रतिक प्रमोद हिंदुराव, कमलाकर सुर्यवंशी, कांता तारमले,मनोहर सासे, किसनराव तारमले यांच्यासह राष्ट्रवादीचे कार्यकर्ते मोठ्या संख्येने उपस्थित होते.

तालुका अध्यक्षपदी घरत यांची नियुक्ती झाल्यानंतर घरत यांच्या कार्यकर्त्यांमध्ये आनंदाचे व उत्साहाचे वातावरण पसरले असून पक्षश्रेष्ठींनी आपल्यावर सोपवलेली जबाबदारी आपण व्यवस्थितपणे पार पाडणार असून तालुक्यात राष्ट्रवादी काँग्रेस पक्ष अधिक बळकट करण्यासाठी सर्वतोपरी प्रयत्न करणार आहोत अशी प्रतिक्रिया नवनिर्वाचित तालुकाध्यक्ष कैलास घरत यांनी दिली आहे.