कल्याणमध्ये चाकूहल्ला

------------

कल्याणमध्ये घरफोडी

कल्याण : पूर्वेतील कर्पेवाडी म्हसोबा चौक ओमनिवास चाळीत राहणारे दीपक दिवटे यांच्या बंद कुलूप तोडून चोरट्यांनी घरातील टीव्ही चोरून नेल्याची घटना २३ फेब्रुवारीच्या मध्यरात्री घडली. याप्रकरणी मंगळवारी कोळसेवाडी पोलीस ठाण्यात गुन्हा दाखल झाला आहे.

----------------

दुचाकी चोरी

कल्याण : पूर्वेतील म्हसोबा चौक परिसरात राहणारे सुयोग पाटील यांनी त्यांची दुचाकी रेल्वेस्थानकातील फलाट नंबर सातच्या बाहेर पार्क केली होती. तेथून ती गाडी चोरीला गेल्याची घटना १६ फेब्रुवारीला सकाळी ७.३० ते रात्री ९ दरम्यान घडली आहे. याप्रकरणी मंगळवारी दाखल झालेल्या तक्रारीवरून कोळसेवाडी पोलीस ठाण्यात गुन्हा दाखल झाला आहे.

----------------------------------------

जाब विचारल्याने मारहाण

डोंबिवली : पदपथाच्या बाजूला दुचाकी आडवी उभी केल्याचा जाब विचारला म्हणून गिरीश जोशी यांना गणेश घोंगडे याने लोखंडी वस्तूने मारहाण केल्याची घटना मंगळवारी रात्री ८ वाजता पश्चिमेतील ठाकूरवाडी रिक्षा स्टॅण्डजवळ घडली. याप्रकरणी विष्णूनगर पोलीस ठाण्यात घोंगडे विरोधात गुन्हा दाखल झाला आहे.

------------------------------------------

दांडक्याने प्रहार

डोंबिवली : धक्का मारला म्हणून विचारणा केली असता याचा राग आल्याने एका अनोळखी व्यक्तीने कुणाल जोशी यांच्या डोक्यात लाकडी दांडक्याने प्रहार केल्याची घटना पश्चिमेकडील अंबिकानगरमध्ये मंगळवारी दुपारी ४ वाजता घडली. याप्रकरणी विष्णूनगर पोलिसात जोशी यांनी तक्रार दाखल केली असून गुन्हा दाखल करत पोलिसांनी अनोळखी व्यक्तीचा शोध सुरू केला आहे.

-------------------------------------------

मारण्याची धमकी

डोंबिवली : भांडणाची तक्रार पोलीस ठाण्यात दिली म्हणून मुजमील पिरजादे आणि सईद शेख यांना चौघांनी घरात घुसून दांडक्यांनी मारहाण केली आणि पुन्हा मारण्याची धमकी दिली. हा प्रकार पूर्वेतील रमाबाई आंबेडकर वसाहतीत मंगळवारी दुपारी ४ वाजता घडला. याप्रकरणी टिळकनगर पोलीस ठाण्यात केलेल्या तक्रारीवरून मुजमील याचा भाऊ मकदूम, सोहेल, साहिल, अज्जू या चौघांवर गुन्हा दाखल झाला आहे.

-------------------------------------------

कॅमेरे चोरीला

डोंबिवली : पश्चिमेतील कोपरगावात राहणाऱ्या करण शाम यांच्या बंद घराचे कुलूप तोडून चोरट्यांनी ८१ हजारांचे कॅमेरे चोरून नेले. ही घटना मंगळवारी पहाटे ४.३० ते ५ दरम्यान घडली. याप्रकरणी विष्णूनगर पोलीस ठाण्यात गुन्हा दाखल झाला आहे.

--------------

रिक्षाची चोरी

कल्याण : युसूफ अन्वर शेख या रिक्षाचालकाने त्याची रिक्षा रविवारी रात्री तो राहत असलेल्या पश्चिमेतील जुना मच्छी मार्केट किडवाई रोडवर उभी केली होती. तेथून ती रिक्षा मध्यरात्रीच्या सुमारास चोरीला गेली आहे. याप्रकरणी बाजारपेठ पोलीस ठाण्यात शेख यांनी दिलेल्या तक्रारीवरून गुन्हा दाखल झाला आहे.

-------------------------------------------

अज्ञात कारणावरून मारहाण

कल्याण : पूर्वेतील ग्रेट कल्याण धाब्यासमोर कमल थापा हे फालुदा गाडीवर फालुदा खात असताना त्यांना अनोळखी कारणावरून विकास सपकाळ, प्रथमेश धोत्रे, आशिष ब्राह्मणे आणि रोशन शर्मा या चौघांनी शिवीगाळ करीत ठोशाबुक्क्यांनी मारहाण केल्याची घटना सोमवारी रात्री ८.३० वाजता घडली. याप्रकरणी थापा यांनी दिलेल्या तक्रारीवरून कोळसेवाडी पोलीस ठाण्यात गुन्हा नोंद झाला आहे.

--------------------------

डोंबिवलीत दुचाकी चोरी

डोंबिवली : पूर्वेतील मानपाडा रोडवरील शंकेश्वर नगर अपार्टमेंट डी मार्टजवळ उभी केलेली दुचाकी चोरीला गेल्याची घटना २२ फेब्रुवारीच्या मध्यरात्री घडली आहे. याप्रकरणी मानपाडा पोलीस ठाण्यात दुचाकीमालक मंगेश पवार यांनी दिलेल्या तक्रारीवरून गुन्हा दाखल झाला आहे.

----------------------