घरातील सोन्या-चांदीचे दागिने लंपास

ठाणे : नौपाडा भागातील घंटाळी देवी परिसरात राहणाऱ्या ६२ वर्षीय भाजी विक्रेत्याच्या घरात अज्ञात चोरांनी पहाटेच्या सुमारास प्रवेश करून कपाटात ठेवलेले सोन्या-चांदीचे दागिने चोरून नेल्याची घटना घडली आहे. ही घटना १६ ते २३ जूनच्या दरम्यान घडली असून या प्रकरणी आता नौपाडा पोलीस ठाण्यात गुन्हा नोंद केला आहे. या प्रकरणाचा पुढील तपास नौपाडा पोलीस करीत आहेत.

-----------------------------------

अपघातात मुलगा जखमी

ठाणे : राबोडी भागात राहणारे फिर्यादी यांचा मुलगा रस्ता ओलांडत असताना ठाण्याच्या दिशेने जाणाऱ्या दुचाकीस्वराने त्याला जोरदार धडक दिली. या धडकेत मुलाच्या डोक्याला दुखापत झाली असून त्याच्यावर मुंबईच्या रुग्णालयात उपचार सुरू आहेत. हा अपघात ३० एप्रिल रोजी घडला असून त्याची तक्रार आता कळवा पोलीस ठाण्यात केली आहे. त्यानुसार या प्रकरणी कळवा पोलीस ठाण्यात गुन्हा नोंद झाला असून या प्रकरणाचा पुढील तपास पोलीस करीत आहेत.

-------------------------------------

कारची काच फोडून लॅपटॉप चोरीला

ठाणे : कासारवडली पोलीस ठाण्याच्या हद्दीत वाघबीळनाका येथे फिर्यादीने पार्क करून ठेवलेल्या कारमधून चालकाच्या बाजूची काच फोडून अज्ञात चोरोने कारमधील लॅपटॉप आणि व बॅग चोरून नेल्याची घटना घडली आहे. ही घटना २२ जून रोजी रात्री ९ च्या नंतर घडली असून या प्रकरणी आता कासारवडली पोलीस ठाण्यात गुन्हा दाखल केला आहे. या प्रकरणाचा पुढील तपास पोलीस करीत आहेत.

-----------------------

मोबाइल टॉवरवरील साहित्य चोरीला

ठाणे : कासारवडवली पोलीस ठाण्याच्या हद्दीत साईनगर भागात फिर्यादी यांच्या देखरेखीखाली असलेल्या मोबाइल टॉवरवरील खासगी कंपन्याच्या ए.बी. कार्ड अज्ञात चोरोने चोरून नेल्याची घटना घडली आहे. सदराचा ७० हजारांचा मुद्देमाल लंपास झाला असून या प्रकरणी आता कासारवडवली पोलीस ठाण्यात गुन्हा नोंद केला आहे. या प्रकरणाचा पुढील तपास पोलीस करीत आहेत.

------------------------------------