धोकादायक यंत्रमाग कारखान्याची भिंत कोसळली; ढिगाऱ्याखाली दबून ३ मजुरांचा मृत्यू तर ३ जण जखमी 

Loom factory collapses'in Bhiwandi : परात बांधून पत्रा उतरवत असताना इमारतीच्या भिंती लोखंडी अँगलसह कोसळल्याने ही दुर्घटना घडली.

ठळक मुद्देया कारखान्याची इमारत जीर्ण असल्याने दुरुस्तीचे काम सुरू करण्यात आले होते.

नितिन पंडीत 

भिवंडी - भिवंडीत धोकादायक यंत्रमाग कारखान्याची भिंत कोसळल्याची घटना शुक्रवारी सायंकाळी घडली आहे . या दुर्घटनेत तीन मजुरांचा मृत्यू तर तीन मजूर जखमी झाले असून त्यांच्यावर उपचार सुरु आहेत . राजू उर्फ रणछोड प्रजापती ( वय ५० वर्ष ), भगवान मामा ( वय ५५ वर्ष ), मनसुख भाई ( वय ४५ वर्ष ) अशी दुर्घटनेत मृत्यू झालेल्या मजुरांची नवे आहेत .  

         

भिवंडी तालुक्यात काटई ग्राम पंचायत हद्दीत देवानंद कंपाउंड येथे हा धोकादायक यंत्रमाग कारखाना होता . कारखान्याच्या भिंती जीर्ण झाल्याने हा यंत्रमाग कारखाना मागील चार दिवसांपासून बंद होता व कारखान्याच्या जीर्ण झालेल्या भिंतींच्या दुरुस्तीचे काम सुरु होते. गवंडी कामगार व मजुरांच्यामार्फत हे काम सुरु होते . यावेळी भिंतीचे काम करण्यासाठी मजुरांनी परांची देखील बांधली होती. व त्यावर काम सुरु होते . मात्र हे काम सुरु असतांनाच लोखंडी अँगल व पत्राचा भार जीर्ण भिंतींवर पडल्याने भिंत कोसळली व त्यासोबतच छताचे लोखंडी अँगल व पत्रा देखील खाली कोसळला . या दुर्घटनेत तीन बांधकाम मजुरांचा दुर्दैवी मृत्यू झाला आहे तर तीन जण या दुर्घटनेत जखमी झाले असून त्यांच्यावर खासगी रुग्णालयामध्ये उपचार सुरु आहेत . या घटनेची नोंद निजामपूरा पोलीस ठाण्यात करण्यात आली आहे. 

मृत्यू 

1 मनसुख भाई 45
2 राजू उर्फ रणछोड प्रजापती  50
3 भगवान मामा  55

जखमी 

1  विश्वास गायकर 45
2 अनवर शेख 55
3 बाबू पारधी 40

भिवंडी तालुक्यात काटई गावच्या हद्दीत यंत्रमाग कारखाना कोसळला; ढिगाऱ्याखाली दबून तीन मजुरांचा मृत्यू तर तीन मजूर जखमी pic.twitter.com/yhxvVZWygT

— Lokmat (@MiLOKMAT) April 16, 2021