आधीच विवाहित असताना तरूणीस गर्भार ठेवणाऱ्या व तिचे अपहरण करून पैसे मागणाऱ्यास अटक 

भाईंदर पूर्वेच्या नवघर पोलिसांनी आरोपीस सहा तासात अटक करून पीडितेचे सुटका केली आहे.

लोकमत न्यूज नेटवर्क, मीरारोड - स्वतः विवाहित व मुलं असताना २० वर्षीय तरुणीशी मैत्री करून बलात्कार करत गरोदर केले. लग्न झाले असल्याचे समजल्यावर तिने बोलणे बंद केल्याने तिचे अपहरण करून पैसे वा आयफोन मागितला. भाईंदर पूर्वेच्या नवघर पोलिसांनी आरोपीस सहा तासात अटक करून पीडितेचे सुटका केली आहे.

नवघर पोलीस ठाणे हद्दीत कुटुंबासह राहणाऱ्या २०  वर्षीय तरुणीची   नालासोपारा च्या धानिव बाग भागात राहणाऱ्या २७ वर्षीय अनवर अली मोहम्मद इस्माईल शेख याच्याशी ६ महिन्या पूर्वी ओळख झाली होती. शेख ह्याने तो विवाहित असल्याचे व त्याला मुलं असल्याची बाब तरुणी पासून लपवली. 

शेख याने तरुणीशी शारीरिक संबंध ठेवत तिला गरोदर केले. दरम्यान शेख याचे लग्न झाले असल्याचे व मुलं असल्याचे समजल्यावर तरुणीने त्याच्याशी संबंध तोडले. त्यामुळे चिडलेल्या शेख याने तिला धमकवण्यास सुरवात केली. 

साडेपाच महिन्यांची गरोदर असताना तिला बुधवारी दुपारी धमकावून शेख याने नालासोपारा स्टेशन जवळील साई आकांक्षा लॉज मध्ये बळजबरी नेले व डांबून ठेवले. तिला घरच्यां कडून दिड लाख रोख नाहीतर आयफोन देण्यास सांगितले. तरुणीने कॉल करून घरच्यांना याची माहिती दिल्यावर त्यांनी नवघर पोलिस ठाण्यात तक्रार केली. 

वरिष्ठ पोलिस निरीक्षक विजय पवार यांच्या मार्गदर्शनाखाली सहायक निरीक्षक योगेश काळे, उपनिरीक्षक अभिजित लांडे पथकाने तात्काळ तपास सुरू केला. बुधवारी रात्री साडे दहाच्या सुमारास नालासोपारा फाटा येथे तरुणीला रिक्षातून नेत असताना पोलिसांनी शेख याला पकडले व तरुणीची सुटका केली. 

आरोपी शेख वर बलात्कार, अपहरण आदी प्रकरणी गुन्हा दाखल करण्यात आला असून ठाणे न्यायालयाने त्याला १७ जुलै पर्यंत पोलिस कोठडीत ठेवण्याचे आदेश दिले आहेत. सहायक निरीक्षक संदीप पालवे हे पुढील तपास करत आहेत.