जितेंद्र आव्हाड यांच्याविरोधात आक्षेपार्ह पोस्ट: आरोपीविरुद्ध आरोपपत्र दाखल

याच प्रकरणावरुन करमुसे यांना मारहाणीचे प्रकरण संपूर्ण राज्यभर गाजले होते.

लोकमत न्यूज नेटवर्क

ठाणे: राज्याचे माजी गृहनिर्माण मंत्री जितेंद्र आव्हाड यांच्याविरुद्ध आक्षेपार्ह पोस्ट फेसबुकवर टाकणाºया अनंत करमुसे (४०) या अभियंत्याविरुद्ध वर्तकनगर पोलिसांनी मंगळवारी ठाणे न्यायालयात आरोपपत्र दाखल केले. याच प्रकरणावरुन करमुसे यांना मारहाणीचे प्रकरण संपूर्ण राज्यभर गाजले होते.

आव्हाड यांचा संपादित केलेला अश्लील फोटो अपलोड करुन तो घोडबंदर रोड येथील रहिवाशी करमुसे यांनी प्रसिद्ध केल्याचे आरोप होता. हा प्रकार ५ एप्रिल २०२० रोजी रात्री ११ वाजण्याच्या सुमारास घडला होता.  याप्रकरणी राष्ट्रवादीचे पदाधिकारी हेमंत वाणी यांनी ६ एप्रिल २०२० रोजी वर्तकनगर पोलीस ठाण्यात कलम २९२ सह माहिती तंत्रज्ञान कायद्यांतर्गतत गुन्हा दाखल केला होता. वर्तकनगर पोलिसांनी करमुसे याला अटक केल्यानंतर त्याची जामिनावर सुटकाही झाली होती. या प्रकरणी १३ सप्टेंबर २०२२ रोजी वर्तकनगर पोलिसांनी ठाणे  न्यायालयात आरोपपत्र दाखल केलेले आहे. आता न्यायालयात साक्षीदार आणि तपास यंत्रणेने हस्तगत केलेले पुरावे सादर करण्यात येणार असल्याची माहिती सूत्रांनी दिली.