मीरारोड मध्ये बारच्या बाजूला छापा मारून एकास अटक

राज्य उत्पादन शुल्क विभागाच्या पथकाने मीरारोडच्या सृष्टी येथील रॉयल गार्डन बार जवळून प्रवीणचंद्र राय ह्याला अटक करत ७६ हजार रुपयांचा विदेशी दारू साठा जप्त केला आहे . 

मीरारोड - राज्य उत्पादन शुल्क विभागाच्या पथकाने मीरारोडच्या सृष्टी येथील रॉयल गार्डन बार जवळून प्रवीणचंद्र राय ह्याला अटक करत ७६ हजार रुपयांचा विदेशी दारू साठा जप्त केला आहे . 

राज्य उत्पादन शुल्क विभागाचे ठाणे अधीक्षक नितीन घुले यांच्या मार्गदर्शनाखाली दुय्यम निरीक्षक विजयकुमार थोरात व किरण पवार सह एच. एच. चव्हाण, टी. सी. चव्हाण, बि.डी. सानप व आर. एस. पाटील यांच्या पथकाने हि कारवाई केली . 

सृष्टी खाडीकिनारी कांदळवन क्षेत्रात रॉयल गार्डन हा अनधिकृत बार बांधण्यात आला आहे . सदर भागात चोरून दारू विकली जात असल्याची माहिती मिळाल्यावरून येथे असलेल्या शौचालया जवळील मोकळ्या जागेत छापा मारून विनापरवाना व्हिस्की व बिअर साठा सापडला . बेकायदेशीरपणे दारू विकणाऱ्या प्रवीणचंद्र राय ह्याला अटक करून ७५ हजार ८३० रुपयाची विदेशी दारू जप्त केली आहे.