काँग्रेसमध्ये निष्ठावान कार्यकर्त्यांनाच पदे : विक्रांत चव्हाण

ठाणे : ठाणे काँग्रेसमध्ये आतापर्यंत कोणालाही पैसे देऊन शहर अध्यक्षपद मिळालेले नाही. निष्ठावान कार्यकर्त्यांची काँग्रेसमध्ये कदर केली जाते. त्यामुळे दीड कोटी रुपये दक्षिणा दिल्याने कुणी अध्यक्ष होईल, अशा वावड्यांवर विश्वास ठेवण्याची गरज नाही, असे स्पष्टीकरण ठाणे शहर काँग्रेसचे अध्यक्ष विक्रांत चव्हाण यांनी दिले.

लोकमत हॅलोमध्ये `शहर अध्यक्षपदासाठी दीड कोटीची दक्षिणा?` या शीर्षकाखाली प्रसिद्ध झालेल्या वृत्ताबाबत चव्हाण म्हणाले की, मला पक्षाने विश्वास दाखवूनच शहराध्यक्षपद दिले. आमच्या पक्षात कोणत्याही प्रकारे पैसे देऊन शहराध्यक्षपद मिळत नाही. निष्ठावान कार्यकर्त्यांची पक्षात नेहमी कदर केली जाते. पक्षाने ज्या पद्धतीने माझ्यावर विश्वास दाखवला त्या पद्धतीने मी शहराध्यक्षपद भूषविले आहे. यापुढेदेखील पक्षात निष्ठावंत कार्यकर्त्यांना शहराध्यक्षपद मिळेल, असा विश्वास त्यांनी व्यक्त केला.

...........

वाचली