एकाच इमारतीतील चार फ्लॅटमध्ये एकाच रात्रीत चोरी

अंबरनाथ : अंबरनाथमध्ये एकाच इमारतीतील चार घरांमध्ये एकाच रात्रीत चोरी झाल्याची घटना घडली आहे. कानसई परिसरातील श्याम सागर नावाच्या इमारतीत हा प्रकार घडला आहे.

कानसई परिसरात श्याम सागर नावाची इमारत आहे. या इमारतीतील दुसऱ्या आणि तिसऱ्या मजल्यावर असलेले चार फ्लॅट चोरट्यांनी शुक्रवारी रात्रीच्या सुमारास फोडले. या फ्लॅटमधून घरगुती साहित्य आणि काही रोख रक्कम असा मुद्देमाल चोरट्यांनी घरफोडी करून चोरून नेला. ही चोरी करताना शेजारी राहणाऱ्या रहिवाशांच्या दाराला बाहेरून कड्या लावण्यात आला होत्या. त्यात हे फ्लॅट गेल्या काही दिवसापासून रिकामे असल्याने पाळत ठेवून ही चोरी करण्यात आल्याचा आरोप स्थानिकांनी केला आहे. याप्रकरणी शिवाजीनगर पोलीस ठाण्यात गुन्हा दाखल करण्यात आला आहे.

----------------------------------------------