ठाण्यात मोटारसायकलच्या धडकेत पोलीस हवालदार गंभीर जखमी

मोटारसायकलच्या धडकेत कोपरी वाहतूक शाखेचे पोलीस हवालदार संजय पाटील (५१, रा. ऐरोली, नवी मुंबई) हे गंभीर जखमी झाल्याची घटना मंगळवारी घडली. याप्रकरणी त्यांनी २ जून रोजी नौपाडा ठाण्यात गुन्हा दाखल केला आहे.

ठळक मुद्दे नौपाडा पोलीस ठाण्यात गुन्हातीन हात नाका येथील घटना

लोकमत न्यूज नेटवर्क
ठाणे: मोटारसायकलच्या धडकेत कोपरी वाहतूक शाखेचे पोलीस हवालदार संजय पाटील (५१, रा. ऐरोली, नवी मुंबई) हे गंभीर जखमी झाल्याची घटना मंगळवारी घडली. याप्रकरणी नौपाडा पोलीस ठाण्यात मोटारसायकलचा चालक सुमित वोरा (२२) याच्याविरुद्ध गुन्हा दाखल झाला आहे.
पोलीस हवालदार पाटील हे १ जून रोजी रात्री १०.१५ वाजण्याच्या सुमारास तीन हात नाका, गुरुद्वारासमोरील नाशिक - मुंबई राष्टÑीय महामार्ग ओलांडून त्यांची मोटारसायकल घेण्यासाठी जात होते. त्याचवेळी नाशिककडून मुंबईकडे जाणाऱ्या मार्गावरुन मोटारसायकलीने भरघाव वेगाने आलेल्या वोरा याने पाटील यांना जोरदार धडक दिली. या अपघातात ते गंभीर जखमी झाले. त्यांच्यावर जवळच्याच एका खासगी रुग्णालयात उपचार करण्यात आले. याप्रकरणी त्यांनी २ जून रोजी नौपाडा ठाण्यात गुन्हा दाखल केला आहे.