डाळींचे भाव स्थिर, फळभाज्या मात्र कडाडल्या

लोकमत न्यूज नेटवर्क

ठाणे : सध्या पावसामुळे फळभाज्यांबरोबर पालेभाज्यांचे दर कडाडले आहेत. काही भाज्यांनी शंभरी तर काही भाज्यांनी पन्नाशी गाठली आहे. दुसरीकडे डाळींचे दर मात्र स्थिर असल्याचे विक्रेत्यांनी सांगितले.

सण-उत्सवाच्या आधीपासून भाज्यांना महागाईची फोडणी मिळाली. शनिवारपासून सुरू झालेल्या मुसळधार पावसाचा फटका भाज्यांना बसला. त्यामुळे मोजक्याच भाज्यांची आवक सुरू असल्याचे विक्रेत्यांचे म्हणणे आहे.

-----------------------------------

डाळींचे दर (प्रति किलो) हरभरा - ७०

तूर - १२०

मूग - १२०

उडीद - १२०

मसूर - ९० - १००

----------------------------------

फळभाज्यांचे वाढलेले दर (रु. / प्रति किलो)

मटार - १२०

गवार : १२०

टोमॅटो - ३० - ४०

वांगी - ८०

काकडी - ८०

सिमला मिरची - ८०

फ्लॉवर - ८०

कोबी - ८०

गाजर - ८०

भेंडी - ९० - १००

घेवडा - १०० - १२०

पावटा - १०० - १२०

फरसबी - १२० - १४०

------------------------

पालेभाज्यांचे वाढलेले दर (जुडी/प्रतिनग)

कोथिंबीर - ४० - ५०

मेथी - ५०

पालक - २०

-------------------------------

डाळींचे दर वाढलेले नाहीत. सर्वसामान्य रोजच्या जेवणात वरणाचा अधिक वापर करतात म्हणून सर्व डाळींमध्ये तूरडाळ आणि मूगडाळ जास्त खरेदी होत आहे. या महिन्यात तरी डाळींचे दर वाढणार नाहीत.

- पूनम मोरे, किराणा विक्रेत्या

------------------------------

शेतात गुडघाभर पाणी साचते तेव्हा पालेभाज्या खराब होतात, त्यामुळेच दर वाढलेले आहेत.

- संभाजी खेडेकर, पालेभाजी विक्रेते

------------------------------

पावसामुळे भाज्या महाग आहेत. भाज्यांची आवक कमी होत आहे. त्यामुळे सर्व भाज्या बाजारात येत नाहीत.

- सीमा शेलार, फळभाज्या विक्रेत्या

--------------------------

गेल्या काही दिवसांपासून बटाट्याचे दर स्थिर आहेत तर कांदा आणि लसणाचे दर उतरले आहेत. दुसरीकडे मात्र फळभाज्यांबरोबर पालेभाज्यांचेही दर आवाक्याबाहेर आहेत.

- शुभांगी मोरे, गृहिणी