खाकीला काळीमा! पोलिसाने केला पोलीस सहकाऱ्याच्या पत्नीवर वारंवार बलात्कार

ठाणे जिल्ह्यातील अंबरनाथ शहरात पोलीस खात्याला शरमेने मान खाली घालायला लावणारी आणि खाकीला काळीमा फासणारी घटना घडली आहे. योगीराज वाघ या पोलिसाने आपल्याच पोलीस सहकाऱ्याच्या पत्नीवर बलात्कार केल्याची धक्कादायक आणि तितकीच लज्जासप्द घटना समोर आली आहे.

अंबरनाथ, दि. 16 - ठाणे जिल्ह्यातील अंबरनाथ शहरात पोलीस खात्याला शरमेने मान खाली घालायला लावणारी आणि खाकीला काळीमा फासणारी घटना घडली आहे. योगीराज वाघ या पोलिसाने आपल्याच पोलीस सहकाऱ्याच्या पत्नीवर बलात्कार केल्याची धक्कादायक आणि तितकीच लज्जासप्द घटना अंबरनाथमध्ये घडली आहे. या नराधम पोलिसाने मित्राच्याच पत्नीला चाकूचा धाक दाखवत पती आणि मुलाला जीवे मारण्याची धमकी देत वारंवार अत्याचार केल्याचा आरोप पीडित महिलेनं केला आहे. आरोपी पोलीस योगीराज वाघ याचे आपल्या पोलीस मित्राच्या घरी येणे-जाणे होते याच दरम्यान त्याची वाईच नजर त्याच्या पत्नीवर पडली. व त्यानं अनेकदा तिला धमकावत तिच्यावर अत्याचार केल्याचा आरोप करण्यात आला आहे.

आरोपी हा पोलीस असल्याने आणि आपल्या पती व मुलाला मारण्याची धमकी दिल्याने पीडित महिला प्रचंड दबावाखाली होती. घरात अचानक काही दिवसांपासून पीडित महिला घरच्यांशी काहीही न बोलता एकलकोंडी झाल्याने पतीने पीडितेला विश्वासात घेतल्यावर तिने घडलेला प्रकार सांगितला. याप्रकरणी पीडित महिलेच्या फिर्यादिवरून अंबरनाथ शिवाजी नगर पोलीस ठाण्यात नराधम पोलिसाविरोधात गुन्हा दाखल झाला आहे. मात्र अद्याप आरोपी पोलिसाला अटक करण्यात आलेली नाही. आपण स्वतः पोलीस खात्यात असून आपल्याला पोलीस सहकार्य करत नसल्याची खंत पीडित महिलेच्या पतीने व्यक्त केली आहे.