मध्यवर्ती रुग्णालयात तृतीयपंथीसाठी राखीव वॉर्ड

उल्हासनगर मध्यवर्ती रुग्णालयाला विविध सुविधा मिळण्यासाठी आमदार कुमार आयलानी यांनी पुढाकार घेत बांधकाम मंत्री रवींद्र चव्हाण यांना निवेदन दिले.

उल्हासनगर : शहरातील मध्यवर्ती रुग्णालयात तृतीयपंथी समाजासाठी ४ बेडचा राखीव वॉर्ड बनविण्यात आला असून वॉर्डाचे उदघाटन आमदार कुमार आयलानी यांच्या हस्ते झाले. यावेळी रुग्णालयाचे जिल्हा शल्यचिकित्सक डॉ मनोहर बनसोडे, शिवसेना ठाकरे गटाचे जिल्हा समन्वयक धनंजय बोडारे, शिवसेना शिंदे गटाचे नाना बागुल आदीजन उपस्थित होते. 

उल्हासनगर मध्यवर्ती रुग्णालयाला विविध सुविधा मिळण्यासाठी आमदार कुमार आयलानी यांनी पुढाकार घेत बांधकाम मंत्री रवींद्र चव्हाण यांना निवेदन दिले. तसेच रुग्णलयाच्या वातानुकूलित शवागृहाचे उदघाटन गेल्या आठवड्यात झाले आहे. त्यापाठोपाठ शनिवारी रुग्णालयात तृतीयपंथी समाजाला ४ बेडचा राखीव वॉर्डचे उदघाटन शनिवारी दुपारी कुमार आयलानी यांच्या हस्ते झाले असून यावेळी असंख्य तृतीयपंथी उपस्थित होते. शिवसेना ठाकरे गटाचे जिल्हा समन्वयक धनंजय बोडरे, शिवसेना शिंदे गटाचे जिल्हा समन्वयक नाना बागुल, रुग्णालयाचे जिल्हा शल्यचिकित्सक मनोहर बनसोडे यांच्यासह समाजसेवक संजय गुप्ता, ज्योती तायडे, राजू तेलकर, किन्नर अस्मिता संस्थेच्या संस्थापक नीता केणे आदीजन उपस्थित होते.