आरपीएफने विक्रमी वेळेत मोठ्या रेल्वे सामग्री चोरीचे प्रकरण पकडले 

२५.६ लाख रुपये मूल्य असलेल्या ३४ मेट्रिक टन वजनाच्या ओएचई सामग्रीसह १७ व्यक्तींना अटक

डोंबिवली: मध्य रेल्वेच्या आरपीएफ इंटेलिजेंस विंग आणि कुर्ला आरपीएफच्या कर्मचार्‍यांनी चोरीचा गुन्हा उघडकीस आणला आहे. २५.६ लाख रुपये मूल्य असलेल्या ३४ मेट्रिक टन वजनाच्या ओएचई सामग्रीसह १७ व्यक्तींना अटक केली.

 गुप्तचर विभागाच्या माहितीच्या आधारे इन्स्पेक्टर आरपीएफ, कुर्ला यांनी कुर्ला भागात छापा टाकला आणि १७ जणांकडून एक ट्रक, एक स्कूटी, १५ ऑक्सिजन सिलिंडर,  ५ व्यावसायिक गॅस सिलिंडर आणि  ९ गॅस कटर जप्त केले.  एक ट्रक सामग्री आधीच उघडकीस आणण्यात आली आहे.

ट्रकचा शोध घेण्यासाठी टिम तयार करण्यात आल्या आणि त्यामध्ये हस्तक्षेप करून मुख्य आरोपीला अटक केल्यामुळे त्यांना १२ तासांच्या आत ताब्यात घेण्यात आले. कुर्ला येथे ओएचई स्थापित करण्यासाठी ओएचई सामग्री खरेदी केली गेली होती आणि कुर्ला येथील डिझेल शेडजवळ ठेवली गेली होती.

श्री पी.आर. मीना, निरीक्षक कुर्ला, श्री एस.के. कोस्ता, निरीक्षक, दादर आणि पनवेल आरपीएफ इंटेलिजन्स विंगचे निरीक्षक श्री. अमित राघव यांनी श्री संजीव राणा, सहाय्यक सुरक्षा आयुक्त, दादर यांच्या मार्गदर्शनाखाली समर्पित प्रयत्नांनी हे प्रकरण  उघडकीस आणले  आहे.