सात वर्षांच्या मुलीवर बलात्कार

रांजनोली गावात एका सात वर्षांच्या मुलीला खाटेवरून उचलून नेऊन बलात्कार केल्याची घटना शनिवारी रात्री घडली असून पोलीस आरोपीचा शोध घेत आहेत.

भिवंडी : रांजनोली गावात एका सात वर्षांच्या मुलीला खाटेवरून उचलून नेऊन बलात्कार केल्याची घटना शनिवारी रात्री घडली असून पोलीस आरोपीचा शोध घेत आहेत.
रांजनोली गावातील एक महिला आपल्या पती व मुलींसह घरात झोपली होती. उकाड्यामुळे खोलीचा दरवाजा उघडा ठेवला होता. त्याचा गैरफायदा घेत एका व्यक्तीने खाटेवर झोपलेल्या दोन मुलींपैकी सात वर्षांच्या मुलीला चादरीसह उचलले व शेतात नेऊन बलात्कार केला. रात्री ३ वाजता ही महिला मुलींच्या अंगावर चादर टाकण्यास उठली असता तिला खाटेवर मुलगी नसल्याचे दिसले. तेव्हा तिने पतीला उठवले. सकाळी ७ वाजता ती बेशुद्धावस्थेत सापडली.