मुंब्रा येथे दुकानाला आग; आगीत चप्पला, बूट जळाले, मध्यरात्रीची घटना

जवानांनी एक फायर वाहनाच्या मदतीने सुमारे दीड तासांच्या  अथक प्रयत्नांनी पहाटे पावणेपाच वाजण्याच्या सुमारास आग पूर्णपणे नियंत्रणात आणली.

मुंब्राः एका चप्पल विक्रीच्या दुकाना मध्ये लागलेल्या आगीत दुकानातील काही चप्पला आणि बूट जळाल्याची घटना शिळफाटा परीसरात गुरुवारी मध्यरात्री घडली.मुंब्रा शहरा जवळील शिळफाटा भागात असलेल्या दोस्ती काँम्प्लेक्सच्या समोर असलेल्या ग्रीन पँलेसच्या बाजूला रफिक रझाक यांचे  १५ बाय ३३ फूट आकाराचे  चप्पल आणि बूट विक्रीचे  दुकान आहे.या दुकाना मध्ये गुरुवारी मध्यरात्री तीन वाजून २० मिनिटांच्या सुमारास आग लागली.

याबाबतची माहिती मिळताच वीज वितरण करणाऱ्या  खाजगी कंपनीचे कर्मचारी आणि शीळ अग्निशमन केंद्रातील जवानांनी घटनास्थळी धाव घेतली. जवानांनी एक फायर वाहनाच्या मदतीने सुमारे दीड तासांच्या  अथक प्रयत्नांनी पहाटे पावणेपाच वाजण्याच्या सुमारास आग पूर्णपणे नियंत्रणात आणली. या घटनेत कुणालाही दुखापत झाली नाही.परंतु दुकानातील काही चप्पला आणि बूट मात्र जळाले असल्याची माहिती ठामपाच्या अप्तकालिन कक्षातील अधिका-यांनी दिली. आग कशामुळे लागली याचे नेमके कारण कळाले नाही.मात्र शाँर्टसर्किट मुळे आग लागली असल्याची प्राथमिक शक्यता स्थानिक नागरीकांनी व्यक्त केली.