दुकानात चोरी

---------------------

ड्राॅव्हरमधून रोकड लंपास

कल्याण : पूर्वेतील लोकग्राम परिसरातील गोदावरी बिल्डिंगमध्ये असणाऱ्या एका हॉटेलच्या ड्राॅव्हरमधून ४६ हजार रुपयांची रोकड दोघा भामट्यांनी लंपास केली. ही घटना रविवारी दुपारी ४ च्या सुमारास घडली. हॉटेलमधील कर्मचाऱ्याला बोलण्यात गुंतवून ही चोरी करण्यात आली आहे. याप्रकरणी हॉटेलचालक दिलशाद कन्नुरे यांनी कोळसेवाडी पोलिसांत तक्रार दिली आहे.

----------------------------

मोबाइल लंपास

कल्याण : पश्चिमेतील जोशीबाग परिसरात राहणारे रामकृष्ण करंजकर (६२) हे रविवारी सायंकाळी ५ वाजता मुरबाड रोडवरून जात होते. यावेळी एका २० ते २२ वयोगटातील चोरट्याने त्यांच्या खिशातील मोबाइल हिसकावून पलायन केले. याप्रकरणी महात्मा फुले चौक पोलीस ठाण्यात गुन्हा दाखल झाला आहे.

----------------------

दोघांना दांडक्याने मारहाण

कल्याण : जाळण्याची लाकडे रस्त्यावर का फेकली, याबाबत विचारणा केली असता जावेद सय्यद आणि त्याचा भाऊ खलील यांनी रशीद मुन्ना अन्सारी, मुन्ना आलमगीर अन्सारी, रफिक मुन्ना अन्सारी आणि पप्पू आलमगीर अन्सारी यांनी दांडक्याने बेदम मारहाण केली. ही घटना पश्चिमेतील इंदिरानगरातील अलमगीर हॉटेलसमोर रविवारी सायंकाळी ७ वाजता घडली. याप्रकरणी जावेद यांच्या तक्रारीवरून महात्मा फुले चौक पोलीस ठाण्यात चौघांविरोधात गुन्हा दाखल झाला आहे.

----------------------

दारू न पाजल्याने मारहाण

कल्याण : दारू पाजली नाही म्हणून प्रशांत धनवे यांना राहुल खरात आणि तेजस आव्हाड यांनी शिवीगाळ करीत मारहाण केली. ही घटना रविवारी रात्री ९.३० ते ९.४५ च्या सुमारास घडली. ही घटना मोहने जेतवननगर येथे घडली. याप्रकरणी खडकपाडा पोलीस ठाण्यात गुन्हा दाखल झाला आहे.

-------------------------